فنانة مصرية توثّق بفيديو لحظة التحرّش بها: "عايزة حقي"

نشرت الفنانة كارولين عزمي عبر حسابها الخاص في "إنستغرام" مقطعَي فيديو وثقت بهما لحظة تعرّضها للتحرش داخل سيارتها... وكتبت معلقةً على الفيديوين: "مساء الخير، أنا اللي يعرفني أو متابعني عارف أني شخص مالوش في المشاكل، ولا عمري شاركت مشكله تخصني على السوشيال ميديا".

وأضافت: "النهاردة كنت في عربيتي وجنبي عربية فيها واحد كسر عليا كل اللي عملته إنى بصيت له وبصيت قدامي، فلقيته بيكرر نفس الحركة تاني باستظراف، روحت طلّعت الموبايل وعملت نفسي بصوّر عشان أخوّفه وأخليه يبطّل يضايقني، اتفاجأت وهو بيقول لى بتصوريني يا بنت...". وتابعت قائلةً: "ساعتها اتخضيت وبدأت أصور بجد وأنتم هتشوفوا في الفيديو الحركات اللي بإيده والشتايم، وبدأ يقول لي تعالي ورايا، والحقيقة إني مش عارفة أروح وراه فين أو كان عايز يعمل إيه، ولأني اتوترت وخفت ساعتها ما قدرتش أصور 1% من اللي عمله الشخص دا".

واختتمت عزمي كلامها بالقول: "أنا اتشتمت واتهنت واتشتمت بأهلي بأقذر الشتايم النهاردة من حد معرفوش ولا عملت له حاجة، ولا فتحت بوقّي لمجرد إنه شخص مريض!، أكيد الشخص دا أذى بنات كتير لإنه تقريباً متعود على الحركات دي، ومتعود يخوّفهم ومش همه حتى إنه يتصور ويتفضح، أنا عايزة حقي يرجع لي".

من ناحية أخرى، تنتظر كارولين عزمي حالياً، عرض الجزء الثالث من مسلسل "أبو العروسة" في 29 كانون الثاني/يناير الجاري، وهو من بطولة الفنانين: سوسن بدر، سيد رجب، ولاء الشريف، محمد عادل، مدحت صالح، نيرمين الفقي، ونجوم جدد على الجزء الثالث من المسلسل، منهم نور محمود ووفاء صادق.