نشوى مصطفى تستعيد ذكريات خطوبتها بصورة خاصة

نشرت الفنانة نشوى مصطفى عبر حسابها الخاص في "فيسبوك" صورة قديمة بدت فيها مع زوجها، تستعيد بها ذكريات حفل خطوبتهما تزامناً مع "عيد الحب".

وعلّقت نشوى على الصورة بقولها: "زي النهاردة من ٣٠ سنة كانت خطوبتنا- كنا عارفين بعض قبلها بيومين- اتجوزنا صالونات- أول مرة شفنا بعض قلت له أنا مش حابة أتجوز بالطريقة دي، وأهلي غاصبين عليا أشوفك- قال لي وأنا كمان أمي هي اللي مرشحاكي ليا وأنا مش حاتجوز مصرية (كان عايش في أمريكا)، المهم قلت له عدّاك العيب يبقى تقول لوالدتك إني معجبتكش وأنا حأقول لأهلي إني استرخمتك".

وأضافت: "تاني يوم كلّمني وقال لي نشوى أنا غيرت رأيي وقررت أتجوز مصرية وأعملي حسابك بكرة جاي أخطبك. النهارده عيد الحب ومكنش فاكر طبعاً تاريخ خطوبتنا- فابافكره- رد وقال لي: يااااااااه معقولة ٣٠ سنة مستحمل وصامد، قلت له ياعم في المناسبات دي الراجل بيقول لمراته باحبك، رد بشكل تلغرافي وقال: باحبك، قلت له: بتحبني اد إيه، قال لي باحبك أد ماباحب الونش وأبوجبل وأبو آدم وأوباما".