بالصور - تامر حسني يعيد اكتشاف هنا الزاهد بعمل جديد... إليكم التفاصيل

أعلن النجم المصري تامر حسني من خلال مجموعة صور نشرها عبر حسابه في تطبيق "إنستغرام" عن مشاركة الفنانة هنا الزاهد في فيلمه الجديد الذي يحمل اسم "بحبك"، وهو ما تفاعل معه الجمهور بشكل كبير.

ونشر تامر الصور من كواليس التصوير وعلّق عليها بالتفصيل إذ كتب: "مساء الهنا على أغلى ناس على قلبي أنا، دي صور من أول يومين تصوير لفيلمنا الجديد (بحبك). طبعاً في ناس هتقرأ اسم الفيلم بحبِك وناس هتقراه بحبَك، دا طبعاً مقصود عشان في دراما الفيلم هنبحث طول الوقت عن مدى صدق كلمة بحبِك من الرجل للأنثى وبحبَك من الأنثى للرجل في أحداث فعلاً محيرة جداً، الفيلم أكيد فيه ضحك بس في إطار رومانسي بحت مش موجود بقاله كتير".

وكتب تامر حسني، مخرج وبطل الفيلم في رسالته عن إعادة اكتشاف النجمة هنا الزاهد: "اتشرفت بمشاركة نجمة اليوم والمستقبل الجميلة هنا الزاهد ومبسوط أني أول من اكتشفها في بداية حياتها وفي الفيلم دا بكتشفها تاني وبقدمها بشكل جديد عليها وعليكم".

وأضاف: "مبسوط جداً لمشاركة حبيب قلبي نجم الكوميديا الكبير حمدي المرغني اللي هيعمل إن شاء الله شغل رهيب في الفيلم كعادته الجميلة، وللأسف لسه مصورش علشان أنزل صوره، بس في أول يوم تصوير له ههريه صور، وانتظروا بعد أيام انضمام نجمه جميلة مميزة من نجوم المستقبل اللي هيكون لها مستقبل كبير إن شاء الله".

بدورها، نشرت هنا الزاهد صورتين من كواليس التصوير وعلّقت عليهما بالقول: "فيلم بحبك. أول مسلسل تقريباً مثلتوا كان مع تامر ودلوقتي بتعامل معاه في الفيلم مش ممثل بس ومخرج الفيلم. شكراً على كل تفصيلة بتقولهالي كمخرج وعلى بجد مجهودك اللي بشوفوا قدامي إن شاء الله يعجبكم ويكرمنا يارب".

وتفاعل الجمهور بشكل واسع مع الإعلان وأكدوا انتظارهم للعمل الاجتماعي الجديد، الذي لم يحدد تاريخ عرضه بعد، متمنين النجاح للنجمين.