بالفيديو- نجاة ابنة "ونيس" من موت محقق

نجت الفنانة هدى هاني، ابنة الفنان محمد صبحي في مسلسله الشهير "ونيس" والشهيرة بدور "جهاد" من موت محقق بعد تعرضها لاستنشاق غاز أول أكسيد الكربون الناتج عن سخانات احتراق الوقود، حيث كشفت عن أنها عانت من نقص الأكسجين في الدم، وتسمم.

ونشرت هدى فيديو لها أثناء خضوعها لعمل أشعة على المخ عبر حسابها على "فيسبوك"، وعلقت على الفيديو قائلة: "أنا من الناس اللي عمري ولا نزلت صورة ليا وأنا مريضة أو فيا حاجة مكسورة أو مركبة كانيولا أو أقول ادعولي أو أي حاجة من دي.. (لأني مش بفضل أعمل كده)، بس التجربة المرة دي غريبة ومختلفة وحبيت أشاركها معاكم عشان تاخدوا بالكم كويس".

وأضافت: "ربنا أراد إني أبقى فيها والحمد لله على كل حاجة ربنا يعملها، ده كان أشعة على المخ والصدر وطبعا تحاليل دم وتركيب أكسجين وغيره وغيره وناس دخلت الرعاية المركزة عشان تسمم دم ونقص الأكسجين في الدم".

وتابعت: "اللي حصل إن أنا و4 بنات معايا كمان استنشقنا غاز أول أكسيد الكربون مع غاز الكلوريد الناتج من حمام السباحة وسخانات احتراق الوقود اللي طلعت لنا الشي اللي استنشقناه من غير ما نحس بيه، لأنه ولا لون ولا طعم ولا رائحة خاااالص، وده الغاز اللي بيسموه (الموت اللذيذ) لأنك مش بتحس بأي حاجة غير إنك بيغمى عليك وإنت ونصيبك في الوقت اللي قعدته مع الغاز دهه، لأن الأكسجين بيحصل إنه مش بيوصل للمخ ودي معروف بيحصل بعدها إيه".

كما وجهت النصيحة لجمهورها، قائلة: "مش عارفة إيه حل الموضوع ده غير إنكم تأمنوا نفسكم كويس وتاخدوا بالكم من سخانات الغاز اللي في البيوت، وفي الأول والآخر ربنا بيسترها معانا... قدر الله وما شاء فعل... اتكتب لنا عمر جديد والحمد لله رب العالمين".