احتفلت الفنانة ياسمين غيث بمرور خمسة أعوام كاملة على تناولها آخر جرعة من العلاج الكيماوي وشفائها تماماً من مرض السرطان.

ونشرت ياسمين صورة لها عبر حسابها الرسمي في "إنستغرام"، تحتفل من خلالها بمناسبتين مرتا عليها وتعتز بهما... الأولى كانت مرور خمسة أعوام على شفائها التام من مرض السرطان وتناولها آخر جرعة من العلاج الكيماوي، والثانية هي "اليوم العالمي للمرأة".

وعلقت ياسمين على الصورة بقولها: "قولت أعمل احتفالين في واحد... يوم ٢٢-٢-٢٠٢٢ من أهم تواريخ حياتي، علشان من ٥ سنين كان ده آخر يوم آخد فيه كيماوي وتبدأ حياتي تتغير للأبد... وعلشان حياتي إتغيرت واتعلمت كتير، قررت أحاول أغيّر حياة غيري وأكون مؤثرة بطريقتي وبالحاجات اللي اتعلمتها في الرحلة".

وأضافت: "فبمناسبة كمان اليوم العالمي للمرأة قلت مافيش فرصة أحسن من دي أعبر فيها عن نفسي وعن ستات كتير غيري... في ٥ سنين عرفت حاجات عن نفسي ماكنتش أعرف إنها موجودة من ضمنها إني قوية قوي وضعيفة قوي في نفس الوقت... وطبيعي نكون الإتنين.. إحنا بشر. في الـ٥ سنين عملت حاجات المجتمع كان بيفهمنا إننا كستات ما ينفعش نعملها (منها إني لما شعري وقع وقررت أخرج من غير شعر عادي)... حسيت إني عايزة أبقى براحتي وأعمل اللي أنا عايزاه من غير مافكر في المجتمع ولا في الناس هتقول إيه... فلخصتلكم كل الأحاسيس دي في الكلام اللي في الصور، الست مش محتاجة مسمى معين لاللي هي عايزة تعمله في حياتها، فمن الآخر كدة يا جماعة الست براحتها".

واختتمت ياسمين غيث بالقول: "وبمناسبة الـ٥ سنين اللي فاتوا دول برضه والسؤال الكليشيه اللي بنتسأله كتير "شايفة نفسك فين ٥ سنين من دلوقتي" سألته أنا لنفسي من ٥ سنين وحضرتلكم حاجة كان نفسي أعملها من زمان وبقالي سنتين بجهز لها وجه وقتها... هقول لكم عليها في البوست الجاي".