بالفيديو - حورية فرغلي: "يسكن معي في الشقة ولد وبنت من العالم الآخر"

خلال لقائها مع الإعلامية "أسما إبراهيم"، في الجزء الثاني من حلقتها ببرنامج "حبر سري" المذاع عبر فضائية "القاهرة والناس"، كشفت الفنانة حورية فرغلي عن وجود مخلوقات من العالم الآخر في شقتها قائلة: "عندي في البيت بنت وولد من العالم الآخر وبشوفهم على طول وبيهزروا معايا كتير وبيخبطوا على الباب وبيفتحوا الباب وبيعملوا حاجات كده".

وأضافت: "دايماً بشوف البنت قاعدة على السفرة وشعرها زي شعري كده كاريه، وهي صغيرة كده والولد لابس شورت وفانلة وتقريبا هما الاتنين في نفس السن، وصغيرين بس شكلهم لطيف جداً وكيوت كده شعرهم أسود وشبهنا كده".

واعتبرت قارئة كروت التاروت أن هذه الكائنات مسلطة عليها، مضيفة: "دي كائنات مسلطة ومش جاية لكم من نفسها وخليني أقول مثلاً معمول لك حاجة تشبه السحر ومش معمول سحر لا.. هما موقفين حالك وموقفين الدنيا كلها".

وروّت حورية فرغلي عن بعض الأشياء الغريبة التي كانت تراها: "فيه فترة من الفترات كنت بسمع وأنا في السرير صوت كأن حد بيتنفس بصوت عالي فكذا يوم وأول يوم قولت بيتهيأ لي وبعد كده قولت لا فتحت الشباك لقيت بومتين بيض واقفين عند الشباك، وأنا في الزمالك ومعرفش جم منين دول بس بقالهم فترة مش بييجوا".

مقالات ذات صلة

حقيقة إعلان نقابة الممثلين وفاة حورية فرغلي

راندا البحيري تشعل مواقع التواصل بعد إثارتها الجدل حول زواج حورية فرغلي

حورية فرغلي