أعلنت ارتباطها... ندى الكامل تطلب من المواقع الإخبارية عدم تداول صورها مع أحمد الفيشاوي

نشر العديد من المواقع الإخبارية صوراً من حفل الأوسكار الأخير بدا فيها نجوم هوليوود وهم يقبّلون زوجاتهم على السجادة الحمراء، حيث شبّهوا ذلك بما كان يفعله الفنان أحمد الفيشاوي مع طليقته ندى الكامل في المهرجانات المختلفة.

وعلّقت الكامل على تلك الأخبار موجّهةً اللوم إلى تلك المواقع، ومؤكدةً أن تلك الفترة من حياتها انتهت وهي الآن تبدأ مرحلة جديدة... ونشرت عبر حسابها الخاص في "إنستغرام صورة لأحد تلك الأخبار المنشورة عبر أحد المواقع وعلّقت عليه بقولها: "خلاص بقى، وعيب كده، دي دلوقت منطقة أعراض، والليلة دي خلصت وراحت، وأنا ست مشيت بأدبي واحترامي، مش كل شوية حد هيضايقني بحاجة زي دي".

وأضافت: "أنا بتضايق وبحس كأني مخدتش قرار إن الناس تنساني، وكأني معملتش حاجة ولا حاولت جاهدة إني أمشي وأختار الراحة، ولو مش هاممكوا أنا الرجاء المحافظة على اللي حواليا وإن فيه شخص أو ناس لما بتشوف الكلام ده بيزعلوا لأنه فات وأنا قفلت عليه وبدأت حياة وصفحة جديدة وحب وراحة كنت بتمناها".

واختتمت ندى الكامل حديثها، قائلةً: "الرجاء الحفاظ على اختياري وتبعاته، ومرة تانية حياتي فيها إنسان ميحبش كده أبداً وأنا ممنونة له أنه تخطى الحاجز ده، بلاش خوض في اللي عدّى وكان بإرادتي إني أعدّيه، ودي مش أول مرة أشوف حاجة زي دي، وبعدّي كتير بس كان لازم وقفة شوية، أنا مبقتش مادة إعلامية ولا بحاول أكون".