وقع الفنان حسن أبو الروس ضحية جديدة من ضحايا الفنان رامز جلال في برنامج المقالب "رامز موفي ستار"، المذاع عبر قناة MBC مصر.

وفي ردايو الحلقة ركز رامز في مقدمته على تصرفات الضيف المثيرة للجدل خاصة أثناء حضوره المهرجانات الفنية.

وقال: "بتلبس هدوم لونها كدا ليه، وبتروح البحر بجلابية ليه، بتستظرف لما تجاوب على أسئلة ليه، بتلبس نظارة شمس بالليل ليه، وبتروح المهرجانات وتمشي على الريد كاربت بصفتك إيه، وعايز من دينا الشربيني إيه؟ معنا ومعكم الدخيل على الوسط الفني، وأرخم من أطلق الإفيه".

وتابع رامز سخريته من أبو الروس، وقال له: أنت إيه اللي موديك مهرجان الجونة.. وبتظهر ليه على الريد كاربت".

ووجه رسالة لرجل الأعمال نجيب ساويرس، قائلًا: "منك لله يا نجيب يا ساويرس، هو اللي طلعه علينا في المهرجان".

وعند وصوله إلى مكان التصوير، علق على إطلالته قائلًا: "إيه الجاكت ده أنت جاي ببدلة صافينار.. وإيه الشنطة دي أسد ده ولا شنطة.. أحنا جايبين دي جي ولا فنان".

وتابع: "شيكالاستيك الصحراء هل علينا"، وشهدت الحلقة رعب أبو الروس وصراخه في فقرة الكوبري وبحيرة التمساح.

ويشهد برنامج "رامز موفي ستار" في الموسم الجديد الكثير من المُفاجآت والمواقف والمُفارقات غير المتوقعة، ومُشاركة الكثير من النجوم الذين يظهرون خلال الحلقات.