بالفيديو - ياسر جلال يكشف حقيقة اعتزاله الفن بعد تجسيده شخصية السيسي

خلال لقائه عبر أثير راديو 9090، ردّ الفنان ياسر جلال على الشائعات التي تردّدت خلال الساعات الماضية عن اعتزاله الفن، بعد تجسيده شخصية الرئيس المصري عبد الفتاح السيسي في "الاختيار 3"... قائلاً: "أنا هقول اللي اتقلي، القائمين على المتحدة للخدمات الإعلامية، قالولي مفيش حاجة اسمها الدور ده آخر المطاف وأنك تقعد، أنت ممثل شاطر فهتعمل أدوار كتيرة".

وأضاف: "هرجع أشتغل زي ما كنت بشتغل، خلال السنوات اللي فاتت، وهعمل أدوار متنوعة، إحنا بنتعامل مع ناس مثقفين ومتعلمين وفاهمين جداً، إن ده فن، والرئيس فاهم دور الفن، وإذا كنت نجحت فلازم أدعم نجاحي بأدوار أخرى".

واستطرد قائلاً: "العمل الفني منتج يدخل البيت، عشان كدا براعي معايير المتلقي، وبلتزم بمعايير رقابية مؤسساتية ومجتمعية، خاصة أن مصر لديها جيش قوي، من قوة مصر الناعمة، وأنا طالما نجحت في دور معين أقدر أقدم الكوميدي والتراجيدي والأكشن".

وكشف ياسر جلال عن حقيقة عمل دوبلاج من أجل الوصول الى صوت الرئيس عبدالفتاح السيسي قائلاً: "كان أصعب حاجة الصوت، كنت بسجّل المشاهد وأقول كلامي وأقعد أسمعها وأنا رايح التصوير، وأنا بعمل الشخصية كنت ببقى خايف إني أعمل حاجة وماتعجبش المخرج، كنت بتعامل معاها بحذر شديد وعايز أجيب تون الصوت".

واختتم رامز جلال حديثه قائلاً: "وأنا بعمل البروفة، مهندس الصوت جالي قالي "أستاذ ياسر أنت جايب تون الصوت بالمللي"، ولقيت أستاذ حسين عسر مدير التصوير والمخرج بيتر ميمي تفاجأوا وبدأت أكمل، وعايز أقول إنه مش دوبلاج وده صوتي وماينفعش كده في شغلنا".