خالد الصاوي يوجه رسالة قوية رداً على محاولات سرقة حسابه

نشر الفنان خالد الصاوي على حسابه الخاص بـ"فيسبوك" رسالة وجهها للذين يحاولون اختراق حسابه والهجوم عليه بعد أدائه دور خيرت الشاطر نائب مرشد جماعة الإخوان المسلمين في مسلسل "الاختيار 3" الذي عرض رمضان الماضي.

وكتب الصاوي قائلاً: "رداً على الزوبعة اللي قايمة ضدي وبتنبش في اللي انكتب من ١٠ سنين، وبغض النظر عن محاولات الهاكنج على حساباتي"..

وأضاف: "لما تجيب كلام لي من سنين وأنا مخدوع فيك ومش بعاديك ولا بنكر حق الناس تختارك فدي حركة ضدك أنت، ثم حصل إنك انكشفت بإرهابك وخيانتك فطبيعي انقلب عليك، زي أغلب الناس".

وتابع: "ولما أكون بعارض نظام من ١٠ سنين دفاعاً عن الناس ثم تهجم أنت علينا بالسلاح فيقف النظام ده ليحمي الناس ويقدم ضحايا ثم الناس تختاره مرة واثنين وهو يثبت أن هناك دولة جديدة بتنمو وتتقدم رغم تآمرك أنت واللي وراك، فمش غريب تحولي من معارض لمناصر، الغريب بجد إنك لسه عايش بيننا على سمومك وكأنك ما اعتبرتش!".

وواصل الصاوي رسالته قائلاً: "خدعت فيك وفي آخرين عجزوا عن تقديم حل بل وكدنا ننهار، والشعب اختار قيادته ودولته الجديدة، وأنا بعد تفكير لقيت إنها أفضل حل الآن، وبقيت حابب أساهم معها بأي جهد لبلدي".