بعد تعرّضها لعضّة كلب... رحمة حسن تكشف تطورات حالتها الصحية

كشفت الفنانة رحمة حسن عن تطورات حالتها الصحية بعد تعرّضها لعضة كلب غرز أنيابه في مناطق حساسة من جسدها بحسب تصريحها.

وكتبت رحمة منشوراً عبر حسابها الخاص في "إنستغرام" كشفت من خلاله عن دخولها المستشفى بعدما شعرت بتعب وآلام شديدة، قائلةً: "مساء الخير... أنا متشكرة جداً لاهتمامكم ولكل الناس الي كلمتني تطمن عليه، وآسفه إني ماقدرتش أرد علي معظم الناس لأني كنت تعبانه ومش قادرة اتكلم، انا رحت المستشفي النهارده وكشفت عند جراح متخصص وهو غيّر على الجرح وعمل اللازم والحمد لله طمني، وقالي أتابع معاه الفترة الجاية وإني هاكون كويسة إن شاء الله والجرح هاياخد وقته وهايخف".

وأضافت: "وبالنسبه للكلب فاحنا اتكلمنا مع صاحبته وطلبنا منها توديه مركز تأهيل وتدريب علشان تعدّل سلوكه، وتبعت لنا الورق الرسمي الي بيثبت إنها ودت الكلب فعلاً، وإلا هاعمل محضر... وساعتها الكلب الي هايتضر، ودي حاجه ماترضيش حد. وهي كانت متفهمة جداً ووافقت وقالت إنها هاتعمل كدا أول الشهر الجاي، علشان أخوها الي هايوديه ويتولي مسؤوليته".

وطمأنت رحمة جمهورها على حالتها الصحية بالقول: "الحمد لله أنا كويسه والكلب كويس، وأتمنى إن صاحبة الكلب تصدق في كلامها وتودّي الكلب فعلاً مركز تعليم ويبقى كويس".

ونشرت رحمة حسن صورةً للقاح ضد الكَلَب عبر "إنستغرام"، وعلقت عليها قائلةً: "دي صور لتطعيمات الكَلَب، الحمد لله طلع مش مسعور".