خالد سرحان يواجه حملة هجوم قاسية بعد انتقاده لسعد لمجرد

12 حزيران 2022 | القاهرة - "لها"

خالد سرحان

نشر الفنان خالد سرحان على حسابه الخاص بـ"فيسبوك" منشوراً كشف من خلالها عن تعرضه لهجوم حاد من بعض النشطاء المغاربة على مواقع التواصل، بسبب حذفه فيديو سعد لمجرد.

وكتب سرحان قائلاً: "من بعد ما مسحت البوست بتاع أغنية سعد لمجرد وأنا بواجه هجوم مش طبيعي من مجموعة كبيرة جداً من الشباب المغربي.. الحقيقة أنا مش لاقي أي تفسير لده، أنا مهاجمتش رمز وطني مغربي ولا حتى هاجمت أي شخص أنا خدت موقف إنساني طبيعي غير متعلق ولا بشخص ولا ببلد".

وأضاف: "أي حد مكاني لازم ياخد الموقف ده وإلا مش هيكون إنسان سوي.. أنا حتى لم أثبت اتهامات، أنا قولت إن الموضوع طالما فيه احتمال حتى لو 1% يكون مُدان بالتهم دي فعلا فأنا عن نفسي لازم أتجنب الشخص ده لحد ما أتأكد إنه بريء وبس".

وواصل: "أنا زُرت المغرب كتير والشعب المغربي من أقرب الشعوب لقلبي ككرم وطيبة وذوق في التعامل، عشان كدا أنا مش زعلان منهم وأتمنى ما يفهمونيش غلط، المغرب مش شخص، ومصر مش شخص، إحنا بلاد كبيرة مينفعش نختزلها في فرد ممكن يخطئ أو يصيب".

وكان خالد سرحان قد قدم اعتذاراً للمتابعين، بسبب نشره فيديو يسخر فيه من سعد لمجرد قائلاً: "فيه أغنية أنا اتريقت عليها في فيديو عندي على الصفحة إمبارح.. الأغنية دي كانت تريند على تيك توك وأنا بكل أمانة مش مميز غير صوت إليسا في الأغنية ومعرفش مين اللي بيغني معاها.. فصديق ليا كلمني وبالصدفة بيقولي شفت الفيديو بتاعك على أغنية سعد لمجرد قفلت معاه ومسحت البوست في ساعتها".