ميار الببلاوي تكشف تفاصيل حالة ابنها الصحية

14 حزيران 2022 | القاهرة – "لها"

ميار الببلاوي مع ابنها

أثارت الاستغاثة التي أطلقتها الفنانة المعتزلة ومقدّمة البرامج الدينية ميار الببلاوي على مواقع التواصل الاجتماعي، الكثير من الجدل حول حالة ابنها الصحية بعد كشفها عن إصابته بجرثومة في المعدة، ربما تمنعه من تقديم امتحان آخر مادة في كلية الاقتصاد والعلوم السياسية.

وقالت ميار في تصريحات صحافية: "الدكتور طمّني، وقالي ابنك عنده فيروس في المعدة، وبيخف بعد 3 أيام، ولكن أعراضه صعبة، وكان يهمني يروح الامتحان لأنها آخر سنة، لكن لما شفت حالته صعبة قلت يارب يوقّف بس على رجله".

وأضافت: "الحمد لله ابني راح الامتحان، أصحابه جم ومسندينه، هو كل حاجة ليا في الدنيا، لأني فقدت والده وهو عنده سنتين، ومن بعد وفاة ماما وقلبي دايماً مقبوض، خاصة إنها تعبت نص ساعة وماتت. الحمد لله فضل ونعمة من ربنا، هو اتحسّن، بس قلبي واجعني أوي عليه، ماكنتش قادرة أشوفه وهو مش قادر يوقّف على رجليه".

واختتمت الببلاوي حديثها بالقول: "الدكتور بيعالج ابني في البيت، وعلّق له محاليل، لأنه بيعاني من مشكلة في المعدة، والدور منتشر بين جيله بصورة كبيرة، ومن المقرر أن يتحسن خلال 3 أيام فقط".

وكانت ميار الببلاوي قد كتبت عبر حسابها في "فيسبوك"، قائلة: "إيه ده، إيه الدنيا دي، إيه الناس دي، الواحد عايش في كوكب لوحده ملهوش حد، ولا يفرق مع حد كله بيقول يالا نفسي، ولو ليه مصلحة عندك يعملك نفسه مروحة، ولو ملوش متلزموش، دي كلمة ست طيبة لقتني ببكي في المسجد بتاع المقابر وقالت لي دموعك غالية وفّريها الجايات كتير، والله استغربت كلامها وكأنها بتأهّلني للي جاي".