قدم الفنان محمد الشقنقيري عبر حسابه على "فيسبوك"، اعتذاراً علنياً لزوجته بعد معاناتها بسبب أزمة تصريحات الموديل رحيل ذكري والتي ادعت فيها أنها تزوجت من الشقنقيري لمدة 14 شهراً خلال فترة انفصاله عن زوجته.

ونشر الشقنقيري مجموعة صور له مع زوجته قدم من خلالها الاعتذار ومعبراً عن حبه له، وعلق عليها قائلاً: "بحبك، وآسف من كل قلبي.. آسف قدام الدنيا كلها.. آسف على أي تصرف ممكن يكون جرحك أثناء غيابك.. آسف على دخولي في تفاهات خلال انفصالنا.. كان لازم أعمل لغيبتك ألف حساب وكان لازم أقدر الأمور أحسن من كده.. حتى في طلاقنا أقحمتك في معاركي الخاصة وبرضة كنتي سندي الوحيد زي ما طول عمرك سند وضهر.. آسف عمري كله اللي جاي، بس اللي بينا أكبر بكتير من كل ده.. إحنا بينا مش عشرة سنه ولا اتنين إحنا بينا عشرة ٢٥ سنة، بينا بيت وحياة وولاد وعشرة عمر".

وأضاف: "أنت حب العمر كله، أنت الحب الوحيد في حياتي.. أنا وعدتك وإحنا بنرجع إني عمري ما هاجرحك في يوم من الأيام وللأسف مافيش كام شهر ودخلتك في دوامة ملكيش ذنب فيها وفي وقت حتى مكنتيش موجودة فيه بس برضة كان لازم آخد بالي كويس أنا بعمل إيه وبتعامل مع مين وازاي !!!! وبرضة أنت الوحيدة إلى واقفة معايا مش عارف أقولك إيه ولا اعتذرلك إزاي!!! بس أنا حقيقي آسف وحقيقي عمري ما حبيت ولا هاحب ست غيرك بحبك".