هلا رشدي تكشف بفيديو تطورات حالتها الصحية: "معمليش دماغ"

كشفت المطربة والفنانة هلا رشدي، خلال بث مباشر عبر صفحتها الرسمية على "فيسبوك" عن تفاصيل أزمتها الصحية التي عانت منها مؤخرًا، وتسببت في إجرائها جراحة عاجلة.

قالت هلا في البث المباشر إنها كانت متجهة يوم 14 أيار (مايو) الماضي إلى إحدى الدول العربية، وفي أثناء هبوطها من الطائرة؛ شعرت بشد عضلي شديد في قدمها، واتجهت بعدها إلى الفندق، وهناك اكتشفت أنها تتألم باستمرار، وهذا الألم لا يتوقف.

وأضافت: "عملت مساج وبرضو ما ارتحتش، وبعدين روحت لدكتور من اللي هما سمكرية البني آدمين دول، وبرضو ما فدنيش بحاجة، وبعدين روحت تاني يوم لدكتورة، نفس النظام، قالتلي عندي غضروف على وشك الانفجار، وفضلت تضغط على أماكن معينة في جسمي، وفجأة الألم راح، وقررت أنام بقى، صحيت كنت هموت، رجلي الشمال وقفت، وأخدت ترامادول، ولا سكنّي، ولا عملي دماغ حتى".

وأكملت: "قررت أرجع مصر، وقولت أموت في بلدي، كفاية كده، وفعلاً رجعت وعملت رنين مغناطيسي، ولقينا الغضروف انفجر، ونزل على العصب الشمال في رجلي، وقبل العملية بيوم؛ ناس كتير كلمتني، وده أكد لي إن ده آخر يوم في عمري".

وواصلت: "لما كنت في غرفة العمليات، أهلي بيشوفوا أخبار كتيرة، زي: وفاة هلا رشدي، وحاجات كتير من كده، بس الحمد لله، ولما صحيت شوفت المحلول اللي فيه الحاجات اللي طلعت مني في العملية؛ عرفت قد إيه البني آدم هين، وماعرفش ليه الناس بتظلم بعضها".

شارك