سمية الخشاب تواصل دعمها للطلاب بطريقتها الخاصة

مازالت الفنانة سمية الخشاب، تقدم دعمها لطلاب الثانوية العامة خلال فترة امتحاناتهم التي انطلقت مؤخراً، بالرغم من الانتقادات التي تواجهها بسبب بعض نصائحها لهم.

وكتبت سمية عبر حسابها على "تويتر"‏، قائلةً: "مبسوطه أوي إنكم حليتوا، المادة اللي جايه عندكوا إيه وامتى؟ عشان لو في حاجة تبعتولي قبل الامتحان زي العربي كده وأنا معاكوا لحد ما تخلصوا، بحبكوا، وفخورة بيكوا".

وتابعت: "‏انتوا أغلى جيل على قلبي وواثقة فيكوا جدًا عشان بعيد عن التعليم، انتوا جيل واعي وانتوا المستقبل، ربنا يوفقكم في اللي جاي وانا هتطمن عليكوا بنفسي على طول".

الغريب في الأمر أن هناك عدداً كبيراً من الطلاب وجهوا لسمية الخشاب الشكر من خلال تعليقاتهم على تغريداتها، حيث قال أحد الطلبة: "‏مكنتش أتخيل إن ممكن في يوم أحل الأدب من تلخيص سمية الخشاب بجد"، وقال آخر: "‏كله النهارده بفضل مراجعة الفنانة سمية الخشاب"، وأضاف ثالث: "‏حليت سؤال الأدب بسبب تلخيص سمية الخشاب".