عايدة رياض تردّ على انتقادات احتفالها بعيد الأضحى

تعرّضت الفنانة عايدة رياض لانتقادات كبيرة من عدد من جمهورها بسبب احتفالها بعيد الأضحى المبارك لكونها مسيحية الديانة، ما دفعها للتعبير عن دهشتها واستيائها من هذه الانتقادات، كاشفةً عن طقوسها في عيد الأضحى، وكيف تحتفل به مع أصدقائها المسلمين، مؤكدة أن لا فارق بين المسيحي والمسلم في مصر.

ونشرت عايدة عبر حسابها الخاص في "إنستغرام" صورة لها وعلّقت عليها قائلة: "مسيحية وبحتفل بعيد الأضحى، أنا مش شايفة إن الموضوع كان مستاهل كل الضجة دي إطلاقاً... كوني مسيحية وبشارك في الأضاحي وباكل فتة وبنعيش أجواء العيد مع بعض ودي حاجة مش بتقلل مني أو حتى بتثير الجدل، بالعكس ده شيء محمود جداً".

وأضافتت: "الذبح عموماً موجود في كل الأديان السماوية وموجود في ديانتنا وبنشترك كلنا وبنضحي وبنتجمع كالعادة وخلي اللي يتكلم يتكلم وأنا متعودة على كدا من زمان، وعمر ما حد كان بيسأل على ديانة حد... الدين لله والوطن للجميع وكلنا في الآخر مصريين إخوات وأهل وصحاب وأحبّة ومفيش فرق بينا إطلاقاً... ولما حد كان بيتكلم كلمة مش كويسة عن الإسلام كنت بطلع أرد بنفسي لأننا واحد يا جماعة مفيش فرق بينا".

واختتمت عايدة رياض بالقول: "نتشارك والوطن اللي بيجمعنا على المحبة والود وطول عمرنا إيد واحدة وهنفضل إيد واحدة ويقول غير كدا دول ناس فاضية وأنا مش عايزة أدخل في جدل مع حد من دول، يا رب دايماً متجمعين في الخير ودايماً إخوات وأهل وصحاب وجيران وحبايب ودايماً إيد واحدة وربنا يخلينا لبعض".