بعد أزمة أمير كرارة.. محمد نجاتي يتجه إلى "بيزنس" المطاعم

القاهرة - "لها" 15 يوليو 2022

لم تكد تمضي أسابيع قليلة على أزمة الفنان محمد نجاتي بعد مقارنته بالفنان أمير كرارة وتهديده بالاعتزال حتى فوجئ الجمهور باتخاذه أول خطوة على طريق البيزنس كنوع من تأمين المستقبل، لينضم إلى نجوم كثيرين في عالم بيزنس المطاعم.

حيث احتفل نجاتي، أمس (الخميس)، بـافتتاح أول مطعم وكافيه خاص به في مدينة العلمين الجديدة، معربًا عن سعادته بدخوله عالم البيزنس متمنيًا النجاح.

وقال نجاتي، في تصريحات صحافية إن فكرة هذا المشروع جاءت بدعم وتشجيع كبير من أصدقائه، مضيفاً: أصدقائي الفنانين كتير جدًا، وفتحوا المشروع ده من قبلي ولقيت نجاح، وهما شجعوني كتير إن أنا أعمل كده بس الأول كنت بكسل يعني مكنتش لسة شايف نفسي في الموضوع ده، وواحدة واحدة اتشجعت".

وتابع: "وعلى فكرة أنا مش لوحدي، أنا معايا رجل أعمال، وهو اللي شجعني إننا نفتح الكافيه مع بعض، وإحنا فرحانين أوي بفرحة الناس بينا وإن شاء الله النجاح لينا ولكل الناس".

كما حرص نجاتي، على توجيه رسالة للشباب، قائلًا: "بقول للشباب متغلطوش غلطتي، أنا في الأول كنت بعيد عن موضوع البيزنس ده وكنت متفرغ تمامًا لموضوع التمثيل والسينما والدراما، بقول لكل شاب إتخرج الأول من الجامعة وأعمل أي مشروع وإبدأ بحاجة صغيرة هتكبر معاك طول ما أنت حاطط فيها ضميرك ومؤمن بيها".

وأضاف: "إبدأ بأي حاجة، دلوقتي المشاريع اللي زي دي بتبقى جمعية، مجموعة أصحاب كل واحد لو حط فيه رقم هيبقى حاجة كبيرة فمش لازم أنت بس تستنى يبقى معاك مبلغ علشان تقول أنا هفتح كافيه لوحدي، أو هعمل عمارة لوحدي، أنت مش هتقدر تبني عمارة لوحدك، أنت لو فتحت بقالة بعد 5 سنين هيبقى عندك هايبر كبير، مفيش حد بيتعب في حاجة إلا لما بيوصلها".