بالفيديو - بعد الهجوم على صورتها مع السبكي.. منى فاروق تهدد بمقاضاة كل منتقديها

نشرت الفنانة الشابة منى فاروق، على خاصية القصص المصورة الملحقة على حسابها الخاص بـ"إنستغرام" مقطع فيديو هددت فيه بمقاضاة كل من خاض في سيرتها بكلمات غير لائقة.

وقالت منى في الفيديو: "صباح الخير.. أنا عايزة بس أقولكم على حاجة مهمة.. أي حد بينتقدني أو أي حد بيقول عني أي حاجة غير لائقة أنا هقاضيه، يالا بقى نعيش مع بعض شوية".

وأضافت: "إحنا في بلد بتحترم الناس، إحنا في مصر أم الدنيا، لازم يكون فيه احترام، واللي يكتب أبواب جهنم مفتوحالك.. مين إنت علشان تحكم عليا إني هدخل جهنم؟، خلاص هتجلدني يعني؟ حطيت نفسك مكان ربنا؟".

واختتمت منى فاروق حديثها: "الناس بتقول كانت بتطلع تعيط ودلوقتي عايشة حياتها.. إنت مالك برضو.. حياتي أنا حرة فيها.. أنا عندي اللي شغال على توك توك أحسن من الراجل اللي بيتكلم في عرض ست، هتروحوا فين من ربنا ياللي بتتكلموا في عرض ولية.. شوفولكم شغلانة تانية وسيبو اللت والعجن ده للستات".