بالفيديو - هذا ما قالته ناهد السباعي عن تأخر زواجها

القاهرة - "لها" 22 أغسطس 2022

خلال استضافتها في برنامج "الحكاية" الذي يقدّمه الإعلامي عمرو أديب عبر قناة "MBC مصر"، كشفت الفنانة ناهد السباعي المواصفات التي تشترطها في زوجها المستقبلي. إذ قالت: "طبعاً في معاكسات، لكن المعاكسات بتقف معايا عند الورد والواتساب، وأنا دلوقتي صوّرت مسلسل وباعمل رياضة وبازرع، معنديش وقت أشوف أصحابي أو أقعد مع قرايبي أكتر، لكن أكيد أنا زي أي واحدة ربنا خلقها نفسها يبقى عندها زوج وأسرة وبيت".


ورداً على سؤال: هل يشعر الرجال بقوة شخصيتك وصعوبتها بالنسبة إليهم؟ قالت: "أنا شخصيتي تبان قوية، لكن ماما وجدّي وجدّتي شخصياتهم أقوى، وشخصيتي أضعفهم".

وأضافت: "كان نفسي مفهومنا يتغير، ونبطّل نفهم البنت بعد ما تخلص دراستها وتبقى مثقفة إن الجواز أكبر طموحاتها، أكيد اختياراتها هتختلف... الراجل اللي هيتقدملي لو مش هيعاملني زي بابا وإخواتي الولاد مش هوافق، ولما يبقى جدّي فريد شوقي لازم يبقى سقف طموحي عالي شوية".

وكشفت ناهد أن حبها للزراعة بدأ خلال مشاركتها في مسلسل "النهاية"، وتحديداً في مشاهد مثّلتها داخل مشاتل زراعية... حيث قالت: "حب الزراعة ابتدى من مسلسل "النهاية"، ولقيت فيها فن جداً، إن يكون في حتة أرض فاضية، وأزرع شجرة هنا وهنا، وهواية عظيمة".


وأضافت: "أنا باشتغل في السنة يا إما فيلم يا إما مسلسل، وعندي حاجات تانية بعملها، واتسحلت في موضوع الزراعة ودلوقتي عايشة في منطقة شبه صحراوية زراعية... زرعت حالياً بطيخ وشمام وباذنجان ومانغو وتفاح وبرتقال وكل الخضرة، وباكل الحاجات اللي بازرعها".