نشر الفنان رامي جمال، على حسابه الخاص بـ"إنستغرام" مقطع فيديو ظهر في وهو يستضيف الشاب أحمد سالم الشهير إعلاميًا بـ"المطرب النقاش" داخل الاستوديو، حيث قال رامي خلال الفيديو: "منورني النهاردة الفنان أحمد سالم، عشان الناس اللي فاكرة أننا بنضيع وقت فأحب أقول أن مفيش وقت هايضيع".

وتابع: "أنا لسه راجع من السعودية إمبارح وبأمر الله 3 أو 4 أيام هنسمع أغاني من أهم ناس في مصر عشان نختار الأغنيتين، الأولي بتاعتي أنا وأحمد والتانية بتاعته هو لوحده، وبأمر لله الوعد اللي وعدته ميمنعنيش عنه غير إن عمري يخلص وممكن أوصي المكتب لو عمري خلص يكملوا هما".

وأضاف رامي: "أنا بطمن الناس كلها بأمر الله أحمد هيعمل الأغنيتين وتستمتعوا بصوته، واللي عاوزين أحمد في أي حاجة هو مضي مع شركة إدارة أعمال وأي حد هيتواصل معاه هيديله رقم الشركة دي، وانا بالنسبة ليا الأغنيتين اللي بعملهم له أنا مش عاوز أي حاجة منه ولا عمري هامضيه على عقود احتكار، لأن أنا اللي بعمله عشان أحمد ربنا كاتبله قبول وأنا أفرح إني أكون بنفذ التساهيل اللي بتحصل له".