بالفيديو - انتقادات لبوسي بعد تصريحها الغريب عن وفاة والدها

واجهت المطربة الشعبية بوسي موجة من الانتقادات بعد تصريحاتها الغريبة من خلال مداخلة هاتفية مع برنامج "90 دقيقة"، الذي تقدّمه الإعلامية بسمة وهبة على قناة "المحور".

وقالت بوسي في بداية مداخلتها عن شائعات طلاقها، بعد عودة زوجها الى زوجته الأولى، إنها لا تحب الحديث عن حياتها الشخصية على منصات التواصل الاجتماعي، موضحةً: "أنا مبحبش أرد على الشائعات ومش هرد على حاجة، أنا بتكلم عن شغلي بس، واتفقت مع زوجي على أن يرد طليقته لأني عارفة قيمة الضنا، وأولاده صحاب ابني، ولما اتجوزنا كان منفصل عن مراته من فترة وعمري ما هتجوز راجل وعلى ذمته واحدة تانية".

وأضافت بوسي: "الناس بتشتمني وبتغلط فيّ من غير ما تعرف عني حاجة أو تتحرّى عني، ولا أفهم سر انشغال السوشيال ميديا بحياتي الشخصية".

وتابعت: "اللي بيقول باباها ميت غضبان عليها، إيش عرفك؟! أنت كنت من بقية أهلي، ليه بتدعّوا الكلام؟! المشكلة إن الكلام من زمايلي اللي واكلين عليّ عيش وملح، الكلام ده طلع من زميل ومش هقول اسمه زعلان مني عشان معزمتهوش على الفرح".

وواصلت بوسي حديثها قائلة: "الناس إيه اللي عرفها إن في مشاكل، أنا متطلقتش وحياتنا مستمرة وممسحتش صورنا مع بعض، ومنزلتش غير صورنا في الفرح، والله العظيم ما مسحت صورنا، أمسحها ليه؟! حياتنا تخصنا مش تخص حد تاني، وبالنسبة لأبي، فقد تصالحت معه قبل وفاته ولم أعلم بوفاته إلا بعد الدفن بيومين".

وتساءل الجمهور كيف تقول بوسي إنها تصالحت مع والدها ولم تعلم بوفاته إلا بعد يومين كما صرحت في البرنامج، ليوجّه عدد كبير من الجمهور انتقادات لاذعة إليها مؤكدين أن تصريحها هذا يثبت أنها لم تكن على تواصل مع والدها قبل وفاته.

شارك