بالفيديو - ريهام سعيد تحقق حلم فتاة استنجدت بها بهذه الطريقة

كشفت الإعلامية ريهام سعيد، خلال برنامجها "صبايا الشمس" الذي عادت إلى تقديمه عبر قناة "الشمس" الفضائية عن تحقيق حلم فتاة تدرس في كلية الصيدلة، كانت قد استنجدت بها على الهواء، بسبب معاناتها مع شقيقها بعد وفاة والدها ومنعها من استكمال دراستها.

وعرضت ريهام جزءاً من مكالمة صفاء وهي تستنجد بها حيث قالت:

: "أنا داخلة رابعة صيدلة ووالدي متوفى من سنتين ونص ومن يوم ما مات مشفتش يوم حنية أخويا حط إيده على كل حاجة ومذلولة ومش عارفة أدفع قسط الجامعة وهو بينبسط لما يشوفنا أنا وماما مذلولين".

وعقّبت ريهام على حديث الطالبة، قائلةً: "أنا وقتها من كتر ما كنت متأثرة بحديث وبكاء الطالبة صفاء رديت عليها وقولتلها اعتبري الموضوع منتهي". وأضافت: "مكنتش أعرف الموضوع منتهي إزاي وهل أقدر أساعد ولا لا، ومش عارفة هعمل إيه، ولكن ساعات اليقين والثقة في الله إنك تقدر تساعد حد، ربنا بيقولك اطمن واللي أنت عايزه هيحصل، وفعلاً صفاء هتكمل تعليمها".