شنّ الممثل المصري أحمد فلوكس هجوماً قاسياً وسخر من مواطنه الفنان محمد رمضان بسبب سخرية الأخير من والده الفنان فاروق فلوكس لتجسيده دور "صبي رقاصة".

وجاء هذا الهجوم بعدما دافع رمضان عن نفسه عقب اتهامه بإفساد الذوق العام من خلال الأفلام التي قدّمها في بدايته الفنية، مشيراً إلى أن "الفنانين في بدايتهم الفنية يجسدون أعمالاً من الممكن ألا يكونوا راضين عنها فهناك فنان كبير جسّد دور "صبي رقاصة" وأنا مستحيل أن أجسد هذا الدور".

بدوره، ردّ فلوكس على تصريحات رمضان من خلال منشور عبر حسابه الشخصي في "فيسبوك"، جاء فيه: "شوف يا حماده، انت ترفض إنك تعمل دور صبي رقاصة لأنك دايماً نمبر وان، فأكيد هتبقى عينك على دور الرقاصة نفسها، مش الصبي بتاعها، وانت ما شاء الله ناجح في ده جداً وبتعمله سهل وانت عريان ما دريان". وأضاف: "نمبر وان بقى يا سيدي، زي بالظبط ما يكون واحد مسجل نشل، استحالة يحلم أن يكون أمين شرطة، حلمه هيكون أكبر من كده، هيكون نمبر وان".

وتابع موضحاً: "أنا والدي عمل دور صبي رقاصة لأنه بيعشق التمثيل والأدوار الصعبة، والحمد لله إنه ربى رجل بيحترم نفسه وبيحترم اللي بيقدمه للناس، وبيحترم بلده، ودمه فداء ليها، لأن شعب بلده هم اللي عملوه فلازم يقدملهم أحسن حاجة، وبحمد ربنا أكتر وأكتر، إن ما خلفش واحد مسجل نشل لأن المسجل هتكون أقصى طموحه أن يكون أسطورة، وهيرقص برضه بس عريان".

واختتم أحمد فلوكس هجومه قائلاً: "وبعدين مش شرط تعمل دور صبي رقاصة، ممكن تكون نجم كبير بس أخلاقك أخلاق صبي الرقاصة، وده الأخطر مع إن والله صبي الرقاصة ولا بيقهر حد ولا بيظلم حد، ولا ليه في سكك الشيوخ والدجل، ولا نصاب ولا بيحكها مع الكبار".