بالفيديو - سماح أنور تردّ على منتقدي عدم شربها الماء لأكثر من 17 عاماً

القاهرة – "لها" 20 سبتمبر 2022

واجهت الفنانة سماح أنور انتقادات حادة من الجمهور بعد تصريحاتها في برنامج "كلام الناس" الذي تقدّمه ياسمين عز على قناة mbc مصر، حيث قالت إنها لم تشرب المياه منذ 17 عاماً.

وردّت سماح على تلك الانتقادات من خلال إعادة نشر مقطع فيديو تحدثت فيه عن المياه، وقالت في تسجيل صوتي: "طلعت من كام يوم، في لقاء تلفزيوني وحكيت عن تجربتي مع المياه، وبعدها لقيت صحفيين كتير بيقولوا لي الدنيا مقلوبة عليكي، وصحابي بعتوا ليا دكاترة بيردوا على تصريحاتي".


وأضافت: "أنا مش بشتغل في حاجة تخص الطب تخلّي كلامي مؤثر علمياً لهذه الدرجة، لكن المذيعة كانت بتسألني عن تجربتي الشخصية مع المياه، حتى قالت لي الدكاترة هيشدوا في شعرهم لما يسمعوا كلامك، قلت لها الدكاترة صح ودي حاجة تخصني وما حدش يعمل بيها ونفعت معايا أنا، لكن ما قلتش أوعوا تشربوا مياه، وإلا أبقى ست مجنونة".

وأردفت سماح قائلةً: "الناس سمعت أول كلامي وخلاص وأنا بنشر لهم الفيديو تاني علشان لما يلاقوا حاجة عكس الحقيقة يشيّروا الفيديو، لأن الناس بتهري في الفاضي وعلى الفاضي".

وكانت سماح أنور قد أثارت جدلاً واسعاً بعد تصريحاتها، إذ قالت إنها لا تشرب المياه منذ 17 عاماً وتتناول عوضاً عنها مشروبات أخرى تحتوي على المياه مثل الكولا والنسكافيه والقهوة، مشيرة إلى أن المياه موجودة أيضاً في الفاكهة والسكريات، وهذا يكفيها.

ولفتت إلى أن المياه تُتعبها لأنها مليئة بالشوائب ولها لون وطعم، موضحةً: "لازم المياه ما يبقاش ليها طعم وريحة، لكن المياه بتاعتنا ليها طعم وريحة وأنا جسمي بيضايق لو شربتها وبطني بتوجعني، ومش صح نشرب مياه طول الوقت لكن الطبيعي إن جسمي عاوز حاجة أديها له".

واختتمت سماح أنور حديثها مؤكدةً: "في دكاترة هتختلف معايا، وأنا مش متخصّصة لكن بتكلّم عن سيستم بتاعي أنا بس".