بالفيديو - عفاف شعيب ترد ّعلى منتقدي حديثها عن ملابسها: "بلاش تشيلوا ذنوب"

القاهرة - "لها" 26 سبتمبر 2022

خلال مداخلة هاتفية مع الإعلامي سيد علي ببرنامجه "حضرة المحترم" المذاع على قناة "الحدث اليوم"، ردّت الفنانة عفاف شعيب على الانتقادات التي تعرضت لها بعد تصريحاتها الأخيرة بشأن أنها لا تشتري ملابسها إلا من ألمانيا... حيث قالت: "أكيد بزعل من الهجوم، ليه كده؟ راعوا شعور الناس وبلاش تشيلوا ذنوب، روحوا سبّحوا أو اقرأوا قرآن، اللي بيخاف ربنا ميؤذيش مشاعر الناس".

وأضافت شعيب أنها كانت صادقة في الحديث عن هذا الأمر، وخاصة أنها لا تقول إلا ما يرضي الله، معقبةً: "قلت بجيب لبسي كله من بره لما كنت بسافر بره، ليه ماتكلمتوش على اللي بيجيبوا فستان بمليون جنيه، مقاسات اللبس الألماني مظبوطة عليا وشكله شيك ومحترم".


وأشارت عفاف الى أنها اشترت في السابق منتجات محلية، لكنها لم تصمد أكثر من يومين، داعيةً الى الاهتمام بالصناعة المصرية في الداخل، كالاهتمام بالملابس المصدّرة إلى الدول الأخرى، كالولايات المتحدة الأمريكية.

وتابعت شعيب حديثها موضحةً: "الألمان مقاساتهم مضبوطة، الملابس من أول لبسة بتكون مضبوطة عليا، وساعات ألفّ محلات مصر مبلاقيش الحاجة المناسبة... واللي بيهاجموني ناس فاضية ومعندهاش ضمير وحسابهم في الآخرة عسير".

وكانت عفاف شعيب قد كشفت سر اهتمامها بمظهرها في تصريحات تلفزيونية أخيراً، حيث أوضحت: "مش كل الموديلات بتناسبنا كمحجبات ومظلومين، وأنا لأني كنت بسافر كتير فلبسي كله من بره، دلوقتي مفيش استيراد وبقيت في حوسة، وفي محل كنت بتعامل معاه من زمان وكنت باخد منه لبس بالهبل وكل البدل المستوردة من ألمانيا".