خلال لقائها في برنامج "et بالعربي"، علّقت الفنانة ياسمين صبري على أزمة الفنانة شيرين عبد الوهاب الأخيرة، قائلةً: "أنا بحبك شيرين جداً زي ملايين الناس في الوطن العربي وهي مش بس صوت مصري هي صوت عربي".

وأضافت :"أنا متأكدة إن دي وقعة وهتقوم منها، هي الحياة كدا، أحياناً بنقع ونقوم مفيش حد دايماً بيجري، إحنا بنتخيل بس كدا، ولكن أنا متأكدة إن المحطة الجاية في حياة شيرين عبد الوهاب فيها نجاح وازدهار، وهتكون بتنور، وهتكون أحسن مما كانت قبل كدا بكتير... أنا بشوف إن المشاكل والصدمات بتقوّي مش بتكسر، وأنا متأكدة إن شيرين عبد الوهاب هتعمل كدا". 

وكان عدد كبير من الفنانين قد تفاعلوا مع أزمة شيرين عبد الوهاب من خلال رسائل دعم لها نشروها عبر حساباتهم في مواقع التواصل المختلفة، أو من خلال مداخلات هاتفية مع برامج "التوك شو" وغيرها من الوسائل، ومنهم: ميرهان حسين ومصطفى كامل وسميرة سعيد، وغيرهم الكثير من النجوم.