شيرين تضع شرطاً غريباً لفتى أحلامها.. وهذا ما قالته عن زواجها

شرط غريب وضعته الفنانة الكبيرة شيرين لفتى أحلامها في حال قررت الزواج للمرة الثانية.

وقالت شيرين في تصريحات صحافية إنها لم تتزوج إلاّ مرة واحدة وأنجبت ابنة واحدة، مشيرةً إلى أنها لم تكن متفرغة للزواج لأنها كانت منشغلة بأسرتها وعملها في الفن وقضايا أخرى.

وأضافت: "عمري ما أتجوزت غير مرة واحدة، يوريني نفسه اللي اتجوزني لو هو راجل ابن راجل، لما أتجوز لازم أكون باتباهى بيه وأن اسمه هيرتبط باسمي وأنا مش متجوزة عرفي ولا رسمي، هي مرة وعندي بنت واحدة، لأن كان عندي أسرتي وقضايا كتير بتشغلني مش فاضية أتجوز النهاردة وأطلّق بكره هشوفه فين ده هيكون مسكين لأنه مش هيلاقيني".

وتابعت حديثها قائلةً: "الفن بيقولوا زي الفريك ميحبش شريك، ولو كنت اتجوزت هكون محتاجة لحد عنده سعة صدر وملاك نازل من السما في صورة راجل علشان يفهم ظروف شغلي ومش الفن بس مهن كتير تانية زي الدكاترة، والست اللي متجوزة دكتور مظلومة خاصة لو كبير ومشهور وله اسم، مش هيبقى موجود لأنه هيكون بيعمل عمليات.

وعبّرت شيرين عن غضبها من الشائعات التي تطاول "الزعيم" عادل إمام كل فترة، والتي تزعم وفاته، داعيةً الله أن يُطيل بعمره حتى يخذل جميع من أطلقوا هذه الشائعات، حيث قالت: "منهم لله ألف مليون مرة اللي بيموّتوا عادل إمام، وحسبي الله ونِعم الوكيل فيهم، ويا رب الزعيم يعيش 160 أو 170 أو 180 سنة ويخذل الناس دي كلها، والأعمار بيد الله، لكن كفاية الناس تكون هايفة وفاضية، الناس زمان كانت بتقرأ الجورنال وتعرف وتتثقف ولكن للأسف دلوقتي الناس معلوماتها من السوشيال ميديا، زمان قبل السوشيال ميديا كنا مثقفين".