أعلنت الفنانة شذى من خلال منشور طريف عبر حسابها الخاص في "فيسبوك" عن إصابتها بفيروس كورونا المستجد أثناء تواجدها في الولايات المتحدة الأميركية.

وقالت شذى في منشورها: "أيوه بقا يا زوزو ياللي في أمريكا وبتتفسحي وعايشة حياتك... أحب أقول لكل أحبائي إني positive corona، الحمد لله... قليل البخت يلاقي العضم في الكرشة".

والجدير بالذكر أن شذى تعرضت لأزمة صحية منذ فترة قصيرة دخلت على أثرها المستشفى، حيث كتبت عبر "فيسبوك" قائلةً: "الحمد لله إمبارح كان يوم صعب أوي، أول مرة أحس بوجع كده في راسي، كان دايماً يجيلي صداع ويروح بس امبارح حقيقي أول مرة يفضل صداع وخبط أكتر من نص يوم، ولا مسكن كان بيمشيه ولا حاجة، ولحد دلوقتي لسه في خبط في راسي".

وأضافت: "أنا بكتب الكلام ده علشان محدش يكبر دماغه ويقول شويه صداع وهيروحوا، لأن أنا لولا زن الست اللي بتشتغل معايا الحمد لله كانت موجودة معايا في البيت، ولولا جدعنتك واهتمامك إني أروح المستشفى ونزول أخويا الصغير الجدع اللي نزلي الفجر علشان يوديني، الله أعلم كان إيه اللي حصل، لأني لما وصلت الدكاترة قالوا إن الضغط عالي جداً وإن ده مش صح، ودخلوني وعلقولي محلول والحمد لله بقيت أحسن وخرجوني الحمد لله، من الآخر متستهونوش لأني لولا إنهم نزلوني مجبرة كنت دخلت نمت والله أعلم كان إيه هيحصل".