فاجأت الفنانة صفاء جلال جمهورها بحديثها عن تفكيرها في اعتزال الفن خلال الفترة القادمة، قائلة: "أتمنى ألبس الحجاب ولو في أدوار تناسبني وأنا لابساه هقدمها لو مفيش أدوار تناسب التغيير اللي هعمله في حياتي يبقى ربنا كاتب لي الخير أكيد".

وأضافت صفاء في تصريحات صحافية بأنها راودتها فكرة الاعتزال من قبل أكثر من مرة، قائلة: "فكرت في الاعتزال كتير لما بحبط ويجيلي اكتئاب، وكل الفنانين بيجي لهم إحباطات حتى النجوم الكبار بس بعد فترة بيحصل تعود إن ربنا هو اللي كاتب لي الخير والتوفيق من عنده".

وتابعت: "بنتعرض كفنانين لاكتئاب بشكل كبير وأحيانًا بيكون بسبب قلة العمل، وكل الفنانين بيجي لهم نوبات اكتئاب ووقت مش بيشتغلوا فيه أو إنهم يقدموا عمل مش راضيين عنه، وشغلتنا أصلا بتاعة اكتئاب لأننا بنقدم شخصيات بتأثر على النفسية والكيان وسيكولوجيا مش بنكون مظبوطين".

وعن رأيها في السوشيال ميديا قالت: "إحنا عايشين في مجتمع شرير على السوشيال ميديا، وناس قاعدة دورها تشتم وتحبط وتغلط مهما كنتي كويسة وشاطرة ومحترمة رغم إنهم لو شافونا في الشارع هيجروا يتصوروا معانا".