شريف رمزي يكشف تطورات حالة شقيقه الصحية بعد أشهر من الغيبوبة

بعد مرور عدة أشهر على بقاء المنتج صلاح رمزي في غيبوبة ومكوثه في غرفة العناية المركزة إثر إصابته بنزيف في المخ، كشف شقيقه الفنان شريف رمزي، تطورات الحالة الصحية له.

وقال شريف في تصريحات صحافية: "أخويا تجاوز عمليات كتير جداً والمشكلة إنه خلاص تعافى جسمانياً من العدوى اللي كانت موجودة عنده من شهر 7، ولكن حاليا هو لسه في غيبوبة ودي مش بإيد حد غير ربنا، عشان كدة دايما بطلب من الناس تدعيله".

وتابع: "مفيش حاجة حاليا لا في إيدينا ولا في إيد الدكاترة ومفيش مثلا دواء بيفوق الغيبوبة، واحنا على طول معاه وأمي وخطيبته، وأنا على قد ما أقدر بوفق بين شغلي وتواجدي معاه في المستشفى، ويارب يقوم بالسلامة في أقرب وقت لأنه كابوس وصدمة كبيرة وإن شاء الله نتخطاها".

ويعد فيلم "الديلر" من أبرز أعمال المنتج صلاح رمزي، وشارك في العمل كمنتج منفذ، وهو من بطولة الفنانين أحمد السقا وخالد النبوي، وعدد كبير من الفنانين، من بينهم مي سليم، سامي العدل، والعمل من تأليف مدحت العدل، وإخراج أحمد صالح.