لوسي تعلّق على أسعار الراقصات ليلة رأس السنة بتصريح غريب

أثير خلال اليومين الماضيين جدل كبير بعد نشر بعض النشطاء على مواقع التواصل الاجتماعي قائمة بأسعار بعض الراقصات الشرقيات الشهيرات، الأجنبيات والمصريات ليلة رأس السنة عن الساعة الواحدة.

وتسببت الأرقام التي أُعلنت في القائمة في هجوم كبير عبر مواقع السوشيال ميديا على منظّمي الحفلات وبعض الراقصات.

وفي أول تعليق على تلك الأزمة، قالت الراقصة والفنانة لوسي: "أنا مقدرش أحكم لأني بقالي سنتين قاعدة في البيت ومعرفش سوق الرقص ماشي إزاي، ولكن هي مجتش على الراقصات ما هي كل حاجة غالية".

وعن سعر الراقصة جوهرة والمقدّر بـ120 ألف جنيه في الساعة، قالت: "مقدرش أفتي وأقول يستحقوا ولا مايستحقوش، كل واحدة وراها فرقتها والعربية اللي بتنقلها أو بنزين عربيتها".

وأضافت لوسي في تصريحاتها الصحافية: "لو حسبتها هتلاقي إن في الآخر بيطلع لها 20 أو 30 ألف بس، لأن بدل الرقص بتتكلف كتير والخامات غالية والمكياج ففي تكلفة كبيرة لكل راقصة".

وعلّقت لوسي على تعرّي الراقصات الأجنبيات في مصر، قائلةً: "دي ثقافتهم وسلوكهم لأن برا محدش بيبص لحد هو لابس إيه ومع ذلك هما بيحترموا القانون زيهم زي أي حد".

واختتمت لوسي حديثها عن فن الرقص الشعبي ووصفته بأنه من المهن المحترمة، حيث قالت: "الفن مهنة محترمة وعموماً أي حد بيشتغل في الفن سواء رقص أو غناء أو تمثيل فهو مهنة محترمة".