بالفيديو - تامر حسني يواجه التنمّر بنصائح للجمهور

نشر الفنان تامر حسني عبر حسابه الخاص في "إنستغرام"، مقطع فيديو من أحد مشاهد فيلمه "مش أنا" ظهر فيه مع الفنان ماجد الكدواني ليوجّه من خلاله رسالة الى جمهوره ضد التنمّر.

وعلّق تامر على المشهد قائلاً: "مساء العسليات ع الكل المشهد ده فيه رساله جميلة أحياناً ممكن يبقى ليك صديق أو ليكي صديقة مريضة أو تعبانة أو في حاجة فيها بتضايقها نحاول إن إحنا عمرنا ما نسخر من حاجة في حد هو ملوش ذنب فيها خلقة ربنا أو ابتلاء لأن الشخص دا أصلاً نفسياً مع نفسه اللي فيه مكفيه".

وأضاف: "لو كان ربنا كاتب إن إحنا اللي نبقى حواليه فأكيد عشان نشجعه ومايقفش عند الموضوع دا ويعرف إن في ناس عندها أكتر منه حاجات لا تحتمل وقدروا ما يشوفوش غير كل ما هو إيجابي وعرفوا يتصالحوا مع نفسهم ويبقى عندهم رضى من الدرجة الأولى ويحمدوا ربنا على ده ويفهموا إنه ابتلاء أو اختيار له مكاسب أكبر وأكتر من اللي معندوش الشاطر بس اللي يفهم كده ودا دور الأصحاب الطيبين اللي ربنا ممكن يجازيهم خير مكانوش يحلموا بيه بسبب الدعم النفسي لغيرهم بسبب الكلمة الحلوة وطبعاً هنا الأستاذ ماجد بيمثل مشهد إنما هو من أطيب وأنضف القلوب".

واختتم تامر حسني بالقول: "والله يا جماعة الكلمة الحلوة ممكن تساهم في إن شخص ينجح وإن شخص يفشل، الكلمة الحلوة ممكن تدي أمل عظيم للحياة، تخيلوا الرصاصة بتموّت شخص لكن الكلمة السامّة المحبطة اللي ممكن تلوث فكر وتبوظ عقل جميل ممكن تموّت أجيال... ويومكم جميل إن شاء الله".

مقالات ذات صلة

أميمة طالب عارضة أزياء في أسبوع باريس للأزياء الراقية

ماجدة الرومي في ضيافة إلهام شاهين خلال زيارتها لمصر (فيديو وصور)

تامر حسني نجوم الفن فيلم مش أنا