بالفيديو - أول تعليق من سعد لمجرد بعد حملات رفض دخوله مصر

رغم الحملات التي انتشرت على مواقع التواصل الاجتماعي والتي ترفض دخول الفنان سعد لمجرد مصر وإحياء حفل رأس السنة بأحد النوادي الشهيرة بمدينة شرم الشيخ، إلا أن الفنان المغربي تجاهل تلك الحملات وأعلن على حسابه الخاص بـ"إنستغرام" إحياءه الحفل يوم 29 كانون الأول (ديسمبر) الجاري.

ونشر لمجرد فيديو دعائي لحفله الأول في مصر منذ فترة طويلة قال فيه: "حبايبي الغاليين في مصر هنشوف بعض يوم 29 ديسمبر في شرم الشيخ .. حبيت أشكر المنظمين.. وأشوفكم قريب".

https://www.instagram.com/p/CmYvQC8pgjQ/

وكانت إحدى الصفحات على "فيسبوك" قد شنّت حملة للمطالبة بمنع سعد لمجرد من الغناء في مصر، ونشرت بياناً قالت فيه: "واضح إن سعد لمجرد مصمم يحاول يدخل مصر بأي طريقة، حتى لو هيروح يغني في حفلة على الضيق في nightclub في شرم الشيخ من غير ما يعمل دعاية عنها أو يعلن عنها بنفسه عشان ما تتكنسلش!".

وأضاف البيان: "وده طبعاً بسبب إن في مصر الحفلة بتاعته اتلغت في 2020، وكذلك الحفلة بتاعته اتمنعت من العرض في 2021، وحتى لما طلع في انترفيو يتكلم عن أنه مستعد يروح حفلات في مصر لو الناس عايزاه، الناس اعترضت في الكومنتات واتمسح الانترڤيو. امبارح Taj Mahal Sharm أعلنوا عن حفلة لسعد لمجرد (المتهم في قضايا اغتصـاب وعنـف جنسي) يوم 29 ديسمبر ومن ساعتها بيمسحوا كومنتات الناس اللي بتعترض كعادة أي حد بيحاول يستضيف سعد. وبعدها كالعادة برضه قفلوا الكومنتات لما لقوا العدد كبير! لو الرسالة ما كانتش وصلت الـ3 مرات اللي فاتوا، فإحنا مش عايزين نستضيف متهم بقضايا اغتصـاب بالجملة في بلدنا، ومش قابلين إن النماذج دي يتعملها حفلات عندنا ويتعمل منهم أبطال كأن التعدي على الستـات واغتصابهم شيء عادي وملوش عواقب".

وكان سعد لمجرد قد واجه الحملات نفسها في عام 2020 عندما تم الإعلان عن حفله في مسرح Cairo Show، ليتم إلغاء الحفل، ثم في تشرين الأول (أكتوبر) 2021 بعدما صوّر سعد لمجرد حلقة من برنامج "سهرانين" بدأت حملة لمنع إذاعة الحلقة، وهو ما حدث فعلاً.

مقالات ذات صلة

محمد إمام برسالة مؤثرة إلى عمر مصطفى متولي وكل مَن واساه في وفاة عمّته

نجوم الفن يحتشدون في عزاء شقيقة عادل إمام... و"الزعيم" يغيب (فيديو وصور)

سعد لمجرد نجوم الفن مصر برنامج سهرانين