نشرت الفنانة ميرهان حسين على حسابها الخاص بـ"إنستغرام" مقطع فيديو من لقائها مع الإعلامية إسعاد يونس ببرنامج "صاحبة السعادة، وعلقت عليه برسالة كشفت من خلالها أسباب تفكيرها الاعتزال خلال الفترة الماضية.

وقالت ميرهان في رسالتها: "أنا أول مرة أقولها أنا فعلا فكرت كتير جدًا اعتزل العمل في الفن لأني كنت شايفة اني مش متقدرة واتظلمت كتير في هذا الوسط الذي لا يمنح النجومية حسب الموهبة لأ للأسف بيخضع كتير للعلاقات الشخصية وبيفرض ناس لا تستحق ويعطي فرص كبيرة لناس تكاد تكون معدومة الموهبة".

وأضافت: "أنا عانيت كتير من احساسي اني استحق فرص اكبر واكثر تنوعًا في الوقت اللي كان بيتم اختيار شخصيات لأداء ادوار عظيمة لا تشبههم شكلًا ولا مضمونًا لمجرد صداقة فلانة بفلان واحتضان مصر لغير الموهوبين من جنسيات اخرى مع احترامي التام لأي جنسية واي فنان او فنانة عندهم موهبة ولايقين في الادوار اللي بيقدموها وبيعملوا المجهود اللازم لأن التمثيل ده مش مجرد وقوف امام كاميرا لأ ده عمل شاق من التخيل والمذاكرة والتقمص والتحمل والصبر وكل ده على أمل التقدير".

وتابعت: "أنا ماكنتش عايزة غير تقدير واعطائي فرص اقدر اعرض فيها ادواتي كممثلة ومغنية وقادرة على تقديم اعمال استعراضية وده اللي كان اساس اختياري في برنامج ستار اكاديمي في لبنان وايمانهم الشديد اني املك العديد من المواهب اللي تؤهلني للتقدم في صفوف النجومية خاصة في بلدي مصر".

واستكملت: "حقيقي أنا مش عارفة اقول ايه على كلامك عني .. كلامك عني ورأيك فيا شهادة عظيمة جدًا في حقي لأنه مش أي رأي ده رأي واحدة من القليلات الفنانات العظيمات الرائدات كممثلة كوميديانة ومنتجة كبيرة ذات خبرة طويلة وكبيرة في تمييز الموهبة والأعمال الناجحة شكرًا من قلبي يا صاحبة السعادة على استقبالك الجميل ليا وكل كلمة قولتيها عني هي تقدير وتكريم عظيم ليا افتخر بيه شكرًا ليكي ولفريق اعداد برنامجك الجميل".