كذّبت الفنانة رنا سماحة كل ما ورد في تصريحات المطربة المعتزلة زيزي عادل، بشأن برنامج "ستار أكاديمي"، والذي وصفته فيها بأنه لا يتناسب مع عادات وتقاليد المجتمعات العربية.

وقالت رنا في تصريحات صحافية إن الموسم الذي شاركت فيه ليس هو نفسه الذي شاركت فيه زيزي عادل، وأضافت: "الإدارة والقواعد كانت بتختلف من موسم لموسم، ولكنهم كانوا بيأكدوا علينا عدم ارتداء ملابس مكشوفة على المسرح. مفيش حاجة اسمها كاميرات في الحمّام سواء في الموسم اللي شاركت فيه أو أي موسم آخر، الأحواض فقط اللي عليها غسيل الإيد كان بيها كاميرات، أما الحمّامات بالداخل فلا يوجد بيها كاميرات".

وأردفت بالقول: "التجربة بالنسبة لأي حد مهمة، لأن برنامج "ستار أكاديمي" كبير ومهم ومفيش حد شارك فيه إلا والمكان أضاف له. اللي شايف إن البرنامج ضد عاداتنا والمجتمع والمبادئ والأخلاق ما يدخلوش من الأول، إحنا جمهورنا من كل العالم سواء في الشرق الأوسط أو بره الشرق الأوسط وفي مجتمعات منغلقة أكتر مننا كانوا متابعين للبرنامج".

واختتمت رنا سماحة حديثها مؤكدةً: "إنت اللي هتفرضي على الناس صورتك تظهر بأي شكل، هل هتكوني مثال جيد للبنت العربية ولا مثال سيئ والناس تقول ما تمثلناش وأكيد في فروق من شخص للتاني. كلنا رغم اختلاف دياناتنا كنا بنصلّي داخل الأكاديمية".