سعد الصغير يكشف مفاجآت في أزمته الأخيرة مع برلنتي عامر

فجّر الفنان سعد الصغير مفاجآت جديدة في أزمته الأخيرة مع الراقصة برلنتي عامر، وملاحقته لها بسيارته واصطدامه بسيارتها من الخلف، مما عرّضها هي ووالدتها وشقيقتها اللتين كانتا معها في السيارة للإصابة، مؤكداً أن والدة برلنتي سرقت من سيارته 75 ألف جنيه من دون أي يشعر بذلك.

وقال سعد في تصريحات صحافية: "كنا قاعدين في عربيتي ولقيت والدة برلنتي عامر بتدوّر على حاجة بقالها 5 دقايق، وقالتلي أنا بجيب حاجة لبنتي، واكتشفت إنها سرقت 75 ألف جنيه مني، وعمري ما توقعت إنها تعمل كده لأنها ست كبيرة ومحترمة وبتصلّي، وطبعاً جريت وراهم على الطريق لأنهم حاولوا يهربوا".

وواصل سعد حديثه موضحاً: "عملت لهم محضر وبرلنتي كانت هتبوس إيدي عشان أتنازل وإلا والدتها هتتحبس وقالت لي إحبسني أنا بس بلاش والدتي ودا مكنش هينفع لأن لازم الاتنين يتحبسوا ولكن في الآخر تنازلت لأني مش عايز أعرفهم تاني، وبعد كل دا فوجئت إنهم بيشتموني وبيقولوا إني تعديت عليهم، وأنا تعبت بقالي سنتين في مشاكل وبتشتم بسبب برلنتي ومراتي بتتشتم واتظلمنا".

وأضاف: "برلنتي كل ما تعمل مشكلة تقول أنا زوجة سعد الصغير مع إن مفيش حاجة بيني وبينها وهي ولا حبيبتي ولا مراتي ولا طليقتي؛ لأني متزوجتش رسمي غير من أم عيالي، والناس بتقول إني توسطت لها عشان تطلع من قضيتها ودا مش حقيقي؛ لأن القانون بيمشي على الكل وهي اتحبست أربعة أيام وطلعت بكفالة عشرة آلاف جنيه لأنها اتمسكت بحشيش وكحول".

واختتم سعد الصغير تصريحاته بالقول: "إزاي الناس بتقول إني خرّجتها بالواسطة مع إني شخصياً دخلت الحبس؟ وأنا حياتي باظت وبقت كلها مشاكل بسببها ومش عايز أعرفها تاني، وأتظلمت وبقيت اتشتم 24 ساعة عشان واحدة اتمسكت بحشيش وبيرة وسكرانة، طب أنا مالي؟ ومراتي أم عيالي بقالها قرن بتتشتم بدون داعي وبرلنتي بتبعت لها فيديوهات تشتمها ودا جزء بسيط من اللي مراتي شافته".