بشرى تدعم لقاء الخميسي بعد فيديو ردّها على منتقديها

دعمت الفنانة بشرى زميلتها الفنانة لقاء الخميسي بعد نشرها فيديو طالبت فيه جمهورها باحترام آرائها وأفكارها.

وأعادت بشرى نشر فيديو لقاء عبر خاصية القصص المصورة الملحقة بحسابها الخاص في "إنستغرام"، والذي تحدثت فيه عن اختلاف الثقافات، وطلبت من جمهورها احترام آرائها، وعلّقت بشرى على الفيديو قائلةً: "صح يا لقاء كفاية بقى ونرحم بعض شوية، إحنا جزء لا يتجزأ من النسيج الوطني ومن شعب مصر، يعني بنمر بنفس اللي أي مواطن بيمر بيه من أزمات محناش كائنات كرتونية، الفنان نبض المجتمع مش الحيطة المايلة بتاعة المجتمع، الفنان الحقيقي طبعاً مش المدعي، ومش أي مشهور يستحق لقب فنان".

وكانت لقاء الخميسي قد نشرت مقطع فيديو من خلال حسابها الشخصي في "إنستغرام"، قالت فيه: "رجاء من كل الناس اللي بتتابع السوشيال ميديا... اللي بيحب حد يدخل عنده ويقوله كلمتين حلوين أو يصمت... مبتحبش متقولش ممكن نختلف في الآراء، لكن لازم نتعلم إزاي نحترم الاختلاف، يا ريت نبطل نهين بعض، ونرفض أفكار بعض كل واحد زي ما تربى، وكل واحد وثقافته وكل شخص ليه تفاصيله ومعتقداته وأفكاره وثقافته، فلازم نحترم بعض على قد ما نقدر، ولا يصح أن أهاجم حضرتك... الحاجة بقت تزهق بصراحة، الممثل عنده نفس التفاصيل اللي بتمر بيها... أزمات نفسية ومادية وعائلية ومشاكل ومنحبش نوريكوا مشاكلنا".