بالفيديو - عبير صبري توضح حقيقة خلافها مع ريهام حجاج

04 شباط 2023 | القاهرة - "لها"

عبير صبري

كشفت الفنانة عبير صبري خلال لقائها في برنامج "الراديو بيضحك" مع الإعلامية فاطمة مصطفى عبر إذاعة "الراديو 9090" حقيقة الأخبار التي انتشرت عن وجود خلاف بينها وبين الفنانة ريهام حجاج في كواليس مسلسل "جميلة" الذي من المقرر عرضه في رمضان 2023.

ونفت عبير وجود أي خلاف بينها وبين ريهام أو تدخلات في تغيير السيناريو قائلة: "الكواليس مفيش أحلى من كده، ومفيش أي مشكلة من أي نوع، الكتابة مش مسموح حد يتدخل فيها والأستاذ أيمن سلامة لسه بيكتب، وهقول سر المفروض مقولوش، ريهام حجاج طلبت من الأستاذ أيمن سلامة أنه ميزودش شغلها ويدي فرصة للزملاء، ودا عكس كل اللي بيتقال عنها".

وأكملت: "ريهام حجاج لا تتدخل في أي شيء والمسلسل من إنتاج العدل جروب والمنتج جمال العدل متواجد يوميا ويشرف على كل التفاصيل في التصوير، أي حاجة بتتقال على ريهام حجاج غير صحيحة هي مظلومة في كل حاجة والناس عايزة تحطها في صورة غير صورتها.

وتابعت: "ريهام حجاج شخصية هادية إلى أقصى درجة وغير محبة للسوشيال ميديا، هي بتحب تقدم الشغل والناس تتفرج، بحاول أقنعها إننا ننزل صور وأخبار عن المسلسل وهي مش بتحب، ودا بيخلي الدنيا هادية والناس تبقى عاوزة تعرف أي حاجة عننا ويطلعوا إشاعات عشان نطلع نرد".

مسلسل "جميلة" من بطولة ريهام حجاج، سوسن بدر، عبير صبري، أحمد وفيق، هاني عادل، هشام إسماعيل، يسرا اللوزي، نبيل عيسى، ياسر علي ماهر، عبير منير، رحمة حسن، ريم سامي، رحاب حسين، تأليف أيمن سلامة وإخراج سامح عبد العزيز.

وتتعاون فيه عبير مع ريهام للعام الثاني على التوالي بعد مشاركتهما في مسلسل "يوتيرن" وعرض في رمضان 2022.