علق الفنان أحمد آدم، خلال تقديمه لبرنامجه "آدم شو" على وجود الفنانين عمرو دياب وتامر حسني، في حفل زفاف أحمد عصام بالإضافة إلى وجود محمد منير ومحمد حماقي ومصطفى قمر وحميد الشاعري.

وقال آدم ساخراً: "كان ناقصهم عبد الحليم حافظ، والناس دي كلها لو مش جاية مجاملة للفرح كان اتكلف كتير أوي حوالي مليار جنيه، ولو ابن رئيس مجلس إدارة الكوكب مكانش اتجمع كل الناس دي في فرحه".

وتابع: "المعازيم اللي راحو الفرح وفروا تذاكر حفلات بمبالغ كبيرة جداً، والله فرحان وبحب الأفراح"، مضيفا: "فيه تريند جديد لشات إلكتروني مع الذكاء الاصطناعي المفروض إنه زي الإنسان في الرد والكلام واللى اخترعوه فرحانين بيه جداً لحد ما نزل مصر والمصريين سألوه أسئلة صعبة جداً لا يمكن فهمها أو التعرف عليها وكان الرد المعلومات غير واضحة".

وأضاف أحمد آدم: "لما بنبقى مش عاوزين نروح الشغل بنخترع أعذار، واكتشفنا إن فيه واحد اخترع جهاز بيبتكر أعذار للشغل ويقولك نسبة نجاح العذر المقدم للشغل".