خلال لقائها في برنامج "كلمة أخيرة" الذي تقدّمه الإعلامية لميس الحديدي على قناة ONE، كشفت الراقصة دينا عن المواقف الأكثر إحراجاً التي تعرّضت لها خلال إحيائها المناسبات المختلفة وحفلات الزفاف، كما تحدّثت عن عدد زيجاتها وتعرّضها للخيانة.

وأشارت دينا إلى أنها سقطت أكثر من مرة في الأفراح، مؤكدةً أن إحدى السيدات حاولت أن تُوقعها في الفرح عمداً، حيث قالت: "وقعت كتير وأنا برقص، وواحدة كعبلتني في فرح بالقصد، لكن أنا رجعت لها، وقُلت لها هتستفادي إيه؟ فقالت لي كنت بهزّر، قلت لها كنت هقع، لكن الحمد لله ربنا ستر وأخدت بالي".

ولفتت دينا إلى أنها دائماً تتعرّض للإصابات في الأفراح، وذلك بسبب دخولها الى قاعة الأفراح مسرعةً: "أنا دايماً بدخل الأفراح بجري فبتحصل لي إصابات كتير".

وكشفت دينا عن عدد زيجاتها، مؤكدةً أنها تزوجت تسع مرات، وهذا الرقم بالنسبة إلبها قليل، فالفنانة تحية كاريوكا تزوجت 13 مرة في حياتها.

وقالت: "أتجوزت 9 مرات والرقم ده قليل، الست تحية كاريوكا كانت عظيمة وأتجوزت 13 مرة وأنا بتنافس معاها".

كما تحدثت دينا عن أقصر زيجة في حياتها، قائلةً: "أقل جوازة قعدت سنة، أما أطول فترة زواج فكانت خمس سنين وشوية، وزوجي سامح ربنا أراد إني أقعد معاه سنتين بس، وأكتر حد حبّيته شخص مش معروف ومكملناش مع بعض عشان الظروف وعشان مهنتي صعبة".

وكشفت أن سبب طلاقها المتكرر هو الخلافات مع أزواجها والناجمة عن مهنة الرقص، لافتةً إلى أنها تفضّل الرقص على الحياة الزوجية، بالقول: "ببدي مهنة الرقص على الحياة الزوجية ودي وجهت نظري". وتابعت: "لو أنا اتنازلت عن حاجة بحبها، هطلب في المقابل حاجات كتير محدّش هيقدر يعملها، حرام أظلم حد وهقول يعوضني لأن محدش هيعرف يعوضني... لو سبت الرقص مش هبقى دينا هبقى واحدة تانية مكسورة، متاخد منها حاجة بتحبها، زي الأم اللي متاخد منها ابنها... ومحدّش هيعرف يعوضني عن الرقص، وأنا بقول حاجتين أساسيتين قبل الزواج وهما أول حاجة مش هسيب الرقص، تاني حاجة لما تزهق ماتبصش لحد تعالى قولي وأنا همشي".

كما كشفت دينا أنها تعرضت للخيانة من قبل بالقول: "أتخنت كتير لأني مش فاضية، والشغل كان بيبتدي من 9 بالليل لـ6 الصبح، والراجل اللي هيستحمل الست اللي بتشتغل في الوقت ده لازم ياخد جائزة نوبل".