رسالة قوية من آثار الحكيم لجمهورها بعد زلزال سوريا وتركيا

وقالت آثار في تصريحات صحافية: "ربنا يثبتنا وينفعنا بالرسايل اللي بيبعتها لينا، والزلازل كلها رسايل مفيش حاجة بتحصل في الدنيا صدفة، واللي ربنا بينعم عليه ويكرمه بيتعلم من الرسايل دي علشان يلحق نفسه ويتعظ وما نتبطرش على النعم، لأن كل واحد بيمتحن لوحده في يوم الحساب، وأنا اعتزلت كل أنواع الظهور الإعلامي والأضواء وحتى التكريمات". وأضافت: "النفس البشرية واحدة والآلام والمعاناة واحدة وكلها دروس لكل البشر، ربي وقدرته قادر على كل شيء وفي دقيقة بيهدّ مباني عشر ولايات مش عشر شوارع، والإنسان اللي عنده كل حاجة وملابس وأربع حيطان ودفا وأكل ومش عاجبه في دقيقة مش بيكون عنده ولا حاجة واحدة من دول".

وكانت آثار الحكيم قد كشفت في تصريحات سابقة سبب ابتعادها عن الأضواء، قائلةً: "اعتزلت كل أنواع الظهور وليس التمثيل فقط، وأعيش حياة طبيعية هادئة بعيدة عن الضوضاء، وأدعو الله أن يثبّتني". وأضافت: "لا أحبّذ الظهور على السوشيال ميديا لأنها زي ما ربنا قال لهو ومضيعة للوقت"، موضحةً: "أي فتنة في الحياة ربنا عملها حتى يمتحن الإنسان، فيفكر هيستعمل السوشيال ميديا إزاي؟ هل علشان يزوّد معلوماته الدينية أم في أمور أخرى ليس لها فائدة؟".

ويُعد مسلسل "الوتر المشدود" آخر عمل شاركت فيه الفنانة آثار الحكيم، وعُرض عام 2009، وقد قررت اعتزال التمثيل بعدما قدّمت عشرات الأعمال المهمة في السينما والتلفزيون.