في مداخلة هاتفية مع برنامج "يحدث في مصر" الذي يقدّمه الإعلامي شريف عامر على قناة "mbc مصر"، كشف الفنان محمد فؤاد سبب ظهوره بوزن منخفض في الحفل الذي أحياه أخيراً في لبنان، مشيراً إلى أنه خضع لعملية تكميم معدة.

وقال فؤاد: "ما عملش دايت، ولكن خضعت لعملية تكميم، ومش عارف الناس كلها بتخبي لو عملوا حاجة زي دي ليه؟ هي مش خيانة عظمى ده علشان صحتنا تبقى كويسة". وأضاف: "بنصح الناس تعمل العملية دي لو وزنها زايد، ويا ريت ما تعلّموش الناس يخبوا ويكدبوا دي آفة من آفات المجتمع".

وعن حالته الصحية بعد الخضوع لعملية التكميم، قال: "ماشي زي الكلب بنفذ اللي بيقول لي عليه الدكتور، ولحد دلوقتي ما شفتش رغيف العيش لكن الحمد لله مفيش معاناة".

وكشف محمد فؤاد سبب بكائه في الحفل، قائلاً: "كان فيه ضيفة مهمة جداً وعزيزة على قلبي بنت ملاك اسمها فاطمة من ذوي الهمم، بتواصل معاها على واتس آب هي وأهلها من أربع سنين وعمري ما شفتها في الحقيقة لكنها كانت محسساني إنها عايشة معايا ومع ولادي وهي ملاك بمعنى الكلمة، وكنت أول مرة أشوفها في الحفلة".

وأضاف: "كان من أهم أهدافي إني أشوف فاطمة وكنت مرتب مع أهلها إني هزورها وحصل وروحت لها، وكانت أحلى حاجة حصلت، لأني حسيت إني قدام ملاك ومصدر ارتياح ليا وكنت هموت إني هزورها وأخليها فعلاً تفرح إني لبيت طلب ليها لأنها كانت مصرّة تيجي الحفلة ومدياهم أمر كله يحضر الحفلة وحافظة كل أغانيَّ".

وعبّر محمد فؤاد عن سعادته ومحبته الكبيرة للجمهور اللبناني، قائلاً: "جمهور لبنان بيعشق مصر وماشفتش كرم بالشكل ده وماشي وأنا مبسوط جداً على رأسهم فاطومة حبيتي وحتى لو ما عنديش حفلات هروح أطمن عليها لأنها ملاك".