أنوشكا توضح للمرة الأولى موقفها تقديم قصة حياتها

كشفت الفنانة أنوشكا عن رأيها في الأخبار التي تم تداولها حول تقديم قصة حياتها في عمل فني، مؤكدة أن الأهم هو تقديم قصص حياة أشخاص خدموا الإنسانية مثل الدكتور مجدي يعقوب.

وقالت أنوشكا في تصريحات صحافية: "ممكن نعمل قصة حياة مجدي يعقوب وناس بيخدموا الإنسانية، إنما قصة حياتي فيها إيه عشان أقدمها؟ ولكن ممكن نعمل قصة حياة صعود أو نجاح؛ لأن الناس بتقلّدنا في حاجات وقصة حياتي مكنتش كلها نجاحات ورا بعض وفيه إخفاقات وتعب سنين".

وأضافت: "أنا اتعلّمت من الكبار وشوفت إزاي بيتعاملوا ويا ريتهم كانوا عايشين عشان ناخد برأيهم، ومنهم سناء جميل اللي لسه بتوحشني القاعدة معاها، وإحنا لازم نهتم بالتعليقات والانتقادات عشان نصلّح في نفسنا".

يُذكر أن آخر أعمال أنوشكا، مسلسل "راجعين يا هوى"، الذي حقق نجاحاً كبيراً، والذي تعاونت فيه مع عدد من الفنانين، أبرزهم: خالد النبوي، نور النبوي، وفاء عامر، هنا شيحة ونور اللبنانية.