سمية الخشاب ترفض إعلان عدد زيجاتها وتكشف رأيها في الزواج مرة أخرى

رفضت الفنانة سمية الخشاب الكشف عن عدد زيجاتها مؤكدةً أنها مجرد رقم، وأن حياة العزوبية أفضل، لكنها لا تمانع في الزواج مرة أخرى، إنما بشرط...

وقالت سمية في تصريحات إعلامية : "أنا كويسة من غير زواج، لكن لو ربّنا عايز كدا مش هعترض، ومش هتفرق اتجوزت كام مرة كلها أرقام وأنا قلبي مش بيدق بسهولة إلا لو لقيت شخص شبهي وفيه بينا كيمياء، ولكن الحياة أحلى من غير زواج ومفيش حد ينكّد عليا".

وأضافت: "أنا نفسي في راجل حقيقي أحس معاه بالأمان؛ لأن صعب في الأيام السودا دي نلاقي راجل بجد مش مجرد شكله راجل، وأنا كل اللي اتجوزتهم رجالة محترمين وربنا يوفقهم في حياتهم، ومش بحب فكرة إن الست تكون العصمة في إيدها ومعتقدش إني هعمل كدا".

وعن سر حبّها للاعب الكرة الشهير كريستيانو رونالدو، قالت: "أنا عندي مشاعر بريئة لرونالدو وبحب دماغه وتركيزه ولعبه؛ لأنه شخص مضيّع عمره في التمرين وأنا واحدة أهلاوية وبحب مجدي عبد الغني وهو أفضل لاعب بالنسبة لي، وبحب محمد صلاح لأنه راجل صعيدي وأنا بحب الصعايدة لأنهم أجدع رجالة".

أما عن مقارنتها بجورجينا رودريغيز، فعلّقت الخشاب قائلة: "مفيش حد زيي لأني أحلى من جورجينا ومفيش واحدة عندها جاذبية وحلاوة ودم خفيف كدا، وأنا مش بغير من أي ست لأن ربنا خلقني جميلة وفيا كل حاجة، أغير ليه؟ وطول عمري بخجل وبستحي لما أشوف حد مشهور من زمان حتى قبل ما أكون معروفة وبتكسف أسلّم على المشاهير".