بالفيديو - هبة السيسي تكشف سر غيرة رانيا يوسف منها

القاهرة – "لها" 03 مارس 2023

حلّت الفنانة هبة السيسي ضيفةً على برنامج "نص الكلام" الذي تقدّمه الإعلامية راغدة شلهوب على قناة "النهار" حيث ردّت على الجدل الذي أُثير الفترة الماضية بسبب تعليق الفنانة رانيا يوسف على فوز هبة السيسي بلقب ملكة جمال مصر، حيث وصفتها بـ"أحسن الوحشين".


وقالت هبة: "رانيا يوسف قالت إني فزت بلقب ملكة جمال مصر لأني أحسن الوحشين، وأنا استغربت جداً رأيها ومفهمتهوش، أنا كده كده من أشهر ملكات الجمال اللي اتربعوا على عرش ملكة الجمال وأحسنهم بشهادة الجميع".

وأضافت: "قابلت رانيا يوسف من قريب واتصورنا مع بعض والقلوب بتتصالح، وأنا بعتبرتها غيرانة مني لأني ملكة جمال مصر وقالت أنا بعمل إيه هنا".

وعن أزمة فستانها في "مهرجان القاهرة السينمائي"، قالت: "أنا نمت وصحيت لقيت كل القنوات بتكلّمني والصحافة عن فستاني في مهرجان القاهرة السينمائي، في الأول استغربت الموضوع ومكنتش اتفرجت على صوري على الريد كاربت، وبعد ما شوفتهم فهمت ليه حصل ضجة على الفستان، وأنا مش بحب التريند ومش بحب أبقى محط الأنظار، ولو بقيت تريند محبش إتحط في موقف يسيء ليا".


وأكدت هبة السيسي أنه تم تعديل الفستان قبل أن ترتديه في المهرجان، ولكنها لم تعمل بروفة عليه بعد التعديل، موضحةً: "الفستان لما قيسته في البروفة اتعمله تعديلات أنا مقسيتهوش تاني بعد البروفة والتعديلات، والتعديلات دي إن البطانة اتغيرت والكاب بتاع الصدر اتغير، فعمل شكل تاني للفستان، وكان الفستان تحت الإضاءة فبانت كل التفاصيل".

وأضافت أنها أُُصيبت بالاكتئاب بسبب أزمة الفستان، قائلةً: "تاني يوم المهرجان قعدت في البيت كان عندي اكتئاب وزعلت ومحضرتش فعاليات المهرجان، وتالت يوم رحت لقيت صف طويل عريض وأكتر من 100 صحفي واقفين عايزين يعملوا معايا لقاء، وقدّمت اعتذار لرئيس المهرجان الأستاذ حسين فهمي".

واختتمت هبة السيسي حديثها بالقول: "لفت الانتباه حلو ولكن مش بالشكل ده وإن الناس تقول إني حطّمت الدريس كود، لأ ده مكنش مقصود أصلاً إني أبقى تريند، والناس صدقوني لما اعتذرت علشان دي الحقيقة".