على هامش حضورها "مهرجان أسوان لأفلام المرأة"، كشفت الفنانة بشرى أنها لا تحب المناصب، حيث قالت: "مش بحب المناصب لأنها بتقيد وبتخلي الإنسان إيده مغلولة ومش بيعرف يتصرف بحريته، بحس إني نقيبة بلا حقيبة ووزيرة وسفيرة بلا حقيبة الفنان الواعي والمثقف والمدرك لدوره بيمثل بلده في كل حاجة وبيخدم بلده من غير مناصب وأنا أحب أكون هذا الشخص وأحب أدعم الشخص اللي في المنصب من غير أي حاجة ومن غير ما آخد لقب".

كما أكدت بشرى أنها تخاف من الحسد، قائلة: "يا رب يبعد عني العين لأني بخاف من الحسد، وبعمل حساب الحسد دلوقتي أكتر من قبل كده لأننا بقينا على المشاع بسبب السوشيال ميديا والموضوع بقى صعب".

وأشارت بشرى إلى ضرورة الاهتمام بقضايا المرأة ومناقشتها في الأعمال الفنية، بالقول: "فيه قضايا كتير محتاجين نقدّمها عن المرأة، ومحتاجين مواضيع المرأة اللي هي فوق منتصف العمر وليس فقط أدوار الشباب والفتيات، لأن الست المصرية عندها مواضيع كتير ومحتاجين نتكلم عنها".

وأضافت: "جاية النهاردة مهرجان أسوان عشان خاطر عيون نبيلة عبيد وهي في قلبي وليها فضل كبير عليا، وهي إنسانة غير إنها فنانة استثنائية بمعنى الكلمة ومش هيجي شبهها".