حلّت الفنانة علا غانم ضيفةً على برنامج "صبابا الشمس" الذي تقدّمه الإعلامية ريهام سعيد عبر قناة "الشمس"، وذلك بعد أزمتها الأخيرة مع زوجها التي انتهت بتبادل السبّ والضرب بين الطرفين والتي على أثرها دخلت علا غانم المستشفى لإجراء عملية جراحية.

وتحدثت علا خلال الحلقة عن تفاصيل المشكلة بالإضافة إلى ابتعادها عن الفن وعملها في متجر لحلاقة الحيوانات في أميركا بعيداً عن الأضواء والشهرة.

وكشفت علا الكثير من التفاصيل والمفاجآت حول الاتهامات الكثيرة التي وجّهها لها زوجها، وأسباب انهيارها ودخولها المستشفى، وأكدت أنها سافرت خارج مصر لكي تكون مع ابنتيها اللتين أصبحتا على مشارف الزواج، وأرادت التقرّب منهما فهذا أفضل من البقاء في الوسط الفني الذي حققت فيه الكثير من الأعمال الفنية خلال مسيرتها الفنية الطويلة.

وقالت علا غانم: "ابتعدت عن التمثيل وهاجرت إلى أميركا علشان كنت محتاجة أقعد مع بناتي أكتر لأنهم ابتدوا يكبروا، وحسيت إنهم خلاص بقوا على وش جواز فقررت آخد إجازة مفتوحة من التمثيل وحياتي بالكامل وأروح في مجتمع جديد وأبدأ صفحة جديدة، وهما كانوا عايشين هناك وكان وعد ليهم أني أروح لهم".

وأضافت: "إلى حد كبير كنت زهقت من الشغل لإني حسيت بعد أكتر من 20 سنة تمثيل إني محتاجة أحط بنزين فكنت محتاجة آخد إجازة، وكنت ابتديت وأنا بمثل بحس أني سخيفة واستتقلت دمي في التمثيل علشان كده كنت لازم أفصل شوية. مكنتش قادرة أكمل تمثيل وزهقت وبناتي وحشوني جداً فسافرت وكان كلي طاقة وقلت هاعيش معاهم وكإننا أطفال ونرقص، ومفيش لحظة وحشني التمثيل خلال فترة الغربة، حبي لبناتي كان أقوى بكتير من التمثيل، وكنت عايزة أحقق لبناتي كل أحلامهم".

وأردفت علا بالقول: "من وأنا صغيرة اتعودت ان أكون معتمدة على نفسي وأحب أنا اللي أكسب فلوس وأصرف ومتعودتش آخد فلوس من أبويا ولما مصروفي كان يخلص مكنتش أطلب".

وعمّا تردد عن زواجها من ملياردير في أميركا بعد الابتعاد عن التمثيل، علّقت علا غانم: "اتجوزت آخر 2005 وقررت امشي لأميركا في 2017، وأنا متجوزتش لا مليونير ولا ملياردير ولكن اتجوزت راجل مصري أميركي قابلته بالصدفة في أميركا وكان عنده محطة بنزين وباعها وكان عنده مطعم وملهى ليلى وبرضو كان باعهم، ولما قابلته قاللي أنا بطلت كل حاجة فقلت له انت بقى جاي علي وبتتوب يعني، وهو كان عايز يرتاح ويبطل شغل".

وأضافت: "قبل لما اتجوز كنت مسافرة أميركا بصور مشاهد وبعدين رجعت مصر لقيته جاي ورايا وبيقول لي أنا عايز أتجوزك بإلحاح وإصرار واتجوزته علشان كنت محتاجة في المرحلة دي راجل جنبي وكان يكبرني بـ16 سنة، وحسيت إنه هيكون احتواء وسند ليا ويساعدني في اللي جاي وخاصة ان بناتي كانوا بيكبروا، انا انفصلت عن ابو البنات وقعدت 11 سنة سينغل وبعدين اتجوزت جوازة فاشلة قعدت 6 شهور وبعدين اتطلقت وبعديها قابلت زوجي الأخير".