إنجي المقدّم عن ظهورها من دون مكياج: أنا لست عارضة أزياء

كشفت الفنانة إنجي المقدم عن عدم انزعاجها من الانتقادات التي تطاولها بسبب ظهورها من دون مكياج في أعمالها الفنية، مؤكدةً أنها ممثلة وليست موديل إعلانات أو عارضة أزياء.

وقالت إنجي في تصريحات صحافية: "بحب أظهر من غير مكياج عشان أتصدّق، وعشان أنا كمان أصدّق نفسي، إحنا مش عارضات أزياء ولا مودلز إعلانات، إحنا ممثلات، وبشوف برا مصر نموذج ستات بيلهموني، اللي حالقة شعرها عشان دور، وأنا بحب الفن وبحاول أكون صادقة مع نفسي واللي بيتفرج عليا".

وعن دورها في مسلسل "ولد الغلابة" وردود فعل الجمهور عليه، قالت إنجي المقدم: "كنت مخضوضة من ردود الفعل على دوري في مسلسل "ولد الغلابة"، وواحد وأنا في العربية دعا عليا وقاللي حرام عليكي يا شيخة... حسبي الله ونِعم الوكيل، حد يعمل كده في أخوه".

وأضافت: "بزعل لما تتشتم شخصية "صفية"، أنا حبيتها وشوفت ليها مبررات، وده الدور اللي بيّن إني ممكن ألعب كل الأدوار، لأنه جالي بعد مسلسل "ليالي أوجيني" وكنت مقدّمة شخصية "صوفيا" وهي رقيقة وناعمة. شخصية "صفية" أثرت عليا نفسياً وكنت متعصبة دايماً في البيت، ومش سهل ألاقي أدوار مختلفة، وبحب التحدي والأدوار اللي معملتهاش قبل كده وأشوف هتودّيني لفين".