خلال لقائه في برنامج مساء dmc، كشف الفنان محمد رمضان تفاصيل جديدة عن مسلسله "جعفر العمدة" الذي يخوض به السباق الرمضاني لهذا العام، وهو من إخراج محمد سامي.

وتحدث رمضان عن تفاصيل دوره في المسلسل قائلاً: "شخصية مصرية أصيلة بينتمي إلى حي السيدة زينب العريق، عنده انتماء وأصل وراجل مطلعش من جلباب أبوه ولا المنطقة اللي نشأ فيها، عنده صفات كتير عظيمة، وكمان عنده أخطاء بشرية طبيعية، والكمال لله وحده، والعظيم في الشخصية إن هو شخص بيتدارك أخطاءه مع المواقف واللي بيمر بيه في حياته، وبيعترف بيها، والشخصية أنا حبيتها جداً".

وتطرق محمد رمضان في حديثه الى الشبه بين شخصيته الحقيقية وشخصيته في مسلسل "جعفر العمدة"، حيث قال: "علاقته بوالدته، وإزاي هو مسيطر في الشغل وعنده نفوذ الشخصية اللي بمثلها هي راجل أعمال في مصر، ولكن قدام أمه بيبقى صغير، ودي الحاجة اللي بتشبهني في العمل".

وعن سبب اختياره للشخصية، قال محمد رمضان: "الشيء الأول فكرة السن، بجسد شخصية أكبر مني بـ20 سنة، وده تحدي كبير أوي، إن إزاي الجمهور يصدق محمد رمضان في المسلسل إنه سنه 56، وده شيء استفزني كممثل، إن التفاصيل كلها تبان والحركة بردو في السن ده، ولكن التفاصيل مهمة جداً والحركة بتبقى أبطأ شويه من الشباب، ومسكة كوباية الشاي حتى بتكون مختلفة، وهي بتكمن في اللاوعي عندي، أعتقد إن ديه ممكن تعمل المصداقية، وفيه تفاصيل كتير قدرت تمر في اللاوعي عند الجمهور، وتخلي الجمهور يصدقني".

وأضاف: "عنده الطبيعي لأي شخص، عنده طموح وحريص على إسعاد جمهوره، وإن هو يقدر ينال إعجابهم، وطول الوقت بنشوف إزاي نقدر نتخطى نجاحاتنا السابقة، الحمد لله "الأسطورة" كنت جاي من "ابن حلال" وكان تحدي صعب، والحمد لله قدرنا نتخطى، "البرنس" و"نسر الصعيد"، وكل مسلسل بيبقى له تحدياته، وأنا وسامي عملنا سوا نجاحين صعب جداً إن ندخل في تحدي معاهم، ولكن قولنا بسم الله وثقة في الله، وبوعد الجمهور إن "جعفر العمدة" هيتخطى "البرنس" و"الأسطورة"".

واختتم محمد رمضان حديثه مؤكداً: "أكتر لقب أقرب لقلبي هو محمد رمضان، بحس إنه جميل لإنه اسمي واسم أبويا، ومحمد رمضان كل دول "ابن حلال" و"الأسطورة"، و"البرنس" نمبر وان، فأنا فخور كتير باسمي".